പാലക്കാട്:തോട്ടത്തിൽ പൊട്ടിവീണ കെഎസ്ഇബി ലൈനില് നിന്നും ഷോക്കേറ്റ് 72കാരൻ മരിച്ചു. പാലക്കാട് കൊടുമ്പ് ഓലശ്ശേരി സ്വദേശി മാരിമുത്തുവാണ് മരിച്ചത്.
ഇന്ന് രാവിലെയാണ് സംഭവം.. സ്വന്തം തോട്ടത്തില് തേങ്ങ നോക്കാന് പോയപ്പോഴായിരുന്നു മാരിമുത്തു അപകടത്തില്പ്പെട്ടത്. മോട്ടോര് പുരയിലേക്കുള്ള വൈദ്യുതി ലൈന് പൊട്ടിവീണ നിലയില് കണ്ടെത്തി.
പതിവായി തോട്ടത്തിലേക്ക് പോകുന്ന മാരിമുത്തു ഏറെ നേരം കഴിഞ്ഞിട്ടും തിരിച്ച് വരാത്തതിനെ തുടര്ന്ന് നടത്തിയ തെരച്ചിലില് ആണ് മാരിമുത്തുവിനെ മരിച്ച നിലയില് കണ്ടെത്തിയത്.
ഏഴ് മണിയോടെ ഒരു തവണ മാരിമുത്തു തേങ്ങയുമായി തിരിച്ച് വീട്ടിലെത്തിയിരുന്നു. ഇതിന് ശേഷം വീണ്ടും തോട്ടത്തിലേക്ക് പോയപ്പോഴായിരുന്നു അപകടം ഉണ്ടായത്.
കാറ്റിൽ തെങ്ങില് ഉറഞ്ഞാണ് വൈദ്യുതി ലൈന് പൊട്ടിവീണത് എന്നാണ് പ്രാഥമിക നിഗമനം. പാലക്കാട് ടൗണ് സൗത്ത് പൊലീസും കെഎസ്ഇബി അധികൃതരും സ്ഥലത്ത് എത്തി തുടര് നടപടികള് സ്വീകരിച്ചു. വൈദ്യുതി മന്ത്രി കെ കൃഷ്ണന് കുട്ടിയും സ്ഥലം സന്ദര്ശിക്കും.
Discussion about this post