കണ്ണൂര്: സൗമ്യ വധക്കേസ് കുറ്റവാളി ഗോവിന്ദച്ചാമി കണ്ണൂര് ജയില് ചാടിയതിനെ തുടര്ന്ന് വ്യാപക തിരച്ചില്. ട്രെയിന്, റെയില്വേ സ്റ്റേഷന് കേന്ദ്രീകരിച്ച് ശക്തമായ അന്വേഷണമാണ് നടക്കുന്നത്. ഗോവിന്ദച്ചാമിയെക്കുറിച്ച് വിവരം ലഭിക്കുന്നവര് 9446899506 എന്ന നമ്പറില് അറിയിക്കാന് നിര്ദേശമുണ്ട്. ഒരു കൈമാത്രമാണ് ഗോവിന്ദച്ചാമിക്കുള്ളത്.
അതീവ സുരക്ഷാ ജയില് ഉള്ള പത്താം ബ്ലോക്കില് നിന്നാണ് ഗോവിന്ദച്ചാമി ചാടി പ്പോയത്. പുലര്ച്ചെ 1.15 ന്. അതീവ സുരക്ഷാ സജ്ജീകരണങ്ങളുള്ള ജയിലില് തനിച്ച് പാര്പ്പിച്ചിരുന്ന സെല്ലിലെ അഴികള് മുറിച്ചാണ് ഇയാള് പുറത്ത് കടന്നത്. അലക്കാന് വെച്ചിരുന്ന തുണികള് കൂട്ടിക്കെട്ടി കയര് പോലെയാക്കി, പിന്നീട് മതിലിന് മുകളിലുള്ള ഫെന്സിങില് തുണികുരുകി. അതേ തുണി ഉപയോഗിച്ച് ഇയാള് മതിലില് നിന്ന് താഴേക്കിറങ്ങുകയും ചെയ്തുവെന്നാണ് വിവരം.
ഈ സമയത്ത് പുറത്ത് നിന്നും ഇയാള്ക്ക് സഹായം ലഭിച്ചിരുന്നു. ഇതിന്റെയെല്ലാം ദൃശ്യങ്ങള് സിസിടിവില് ഉണ്ട്. എന്നാല് ജയിലുദ്യോഗസ്ഥര് വിവരമറിഞ്ഞത് രാവിലെ അഞ്ച് മണിയോടെയാണ്. സെല്ലിനകത്ത് ഇയാളില്ലെന്ന് കണ്ട് ജയില് പരിസരത്ത് ഇയാളെ ഉദ്യോഗസ്ഥര് തിരഞ്ഞുനടന്നു.
അപ്പോഴേക്കും കൊടുംകുറ്റവാളി ജയിലിന് പുറത്ത് കടന്ന് മണിക്കൂറുകള് പിന്നിട്ടിരുന്നു എന്നാണ് ഇപ്പോള് വ്യക്തമാകുന്നത്. ശേഷം ഏഴ് മണിയോടെയാണ് പ്രതി ജയില് ചാടിയെന്ന വിവരം ജയിലധികൃതര് പൊലീസിനെ അറിയിക്കുന്നത്. ഇതോടെയാണ് ജയിലിന് പുറത്തേക്ക് അന്വേഷണം വ്യാപിപ്പിച്ചത്.















Discussion about this post