തിരുവനന്തപുരം: കേരളത്തിൽ മഴ മുന്നറിയിപ്പില് മാറ്റം. അതിശക്തമായ മഴയുടെ സാഹചര്യം കണക്കിലെടുത്ത് രണ്ട് ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലര്ട്ട് പ്രഖ്യാപിച്ചു.
പത്തനംതിട്ട, ഇടുക്കി ജില്ലകളിലാണ് ഓറഞ്ച് അലേർട്ട്. ഏഴ് ജില്ലകളില് യെല്ലോ മുന്നറിയിപ്പുമുണ്ട്. ആലപ്പുഴ, കോട്ടയം, എറണാകുളം, കോഴിക്കോട്, വയനാട്, കണ്ണൂര്, കാസര്കോട്, ജില്ലകളിലാണ് യെല്ലോ അലര്ട്ടുള്ളത്.
പടിഞ്ഞാറന് പസഫിക് സമുദ്രത്തില് രൂപപ്പെട്ട വിഫ ചുഴലിക്കാറ്റ് ദുര്ബലമായി വടക്കന് ബംഗാള് ഉള്ക്കടലില് പ്രവേശിച്ചു. ഇത് ന്യൂനമര്ദമായി വീണ്ടും ശക്തി പ്രാപിച്ചുവരുമെന്ന് ആണ് കാലാവസ്ഥാ വിദഗ്ധര് നല്കുന്ന മുന്നറിയിപ്പ്.
അടുത്ത 2 ദിവസത്തിനുള്ളില് ഒഡിഷ പശ്ചിമ ബംഗാള് തീരത്തേക്ക് നീങ്ങാനാണ് സാധ്യത. ഇതോടെ കേരളത്തിലും തിങ്കളാഴ്ച വരെ വീണ്ടും മഴ/ കാറ്റ് ശക്തി പ്രാപിച്ചേക്കുമെന്നാണ് മുന്നറിയിപ്പ്.
Discussion about this post