തിരുവനന്തപുരം: അന്തരിച്ച സിപിഎം നേതാവ് വിഎസ് അച്യുതാനന്ദന്റെ മൃതദേഹം ആശുപത്രിയില് നിന്ന് അഞ്ചരയോടെ എകെജി പഠനഗവേഷണത്തിലേക്ക് കൊണ്ടുപോകും. പൊതുദർശനത്തിന് വച്ച ശേഷം രാത്രിയോടെ തിരുവനന്തപുരത്തെ വീട്ടിലേക്ക് കൊണ്ടുപോകും.
സംസ്കാരം മറ്റന്നാള് ഉച്ചയ്ക്ക് ശേഷം പുന്നപ്രയിലെ വലിയ ചുടുകാട്ടില് നടത്തുമെന്ന് സംസ്ഥാന സെക്രട്ടറി എംവി ഗോവിന്ദന് അറിയിച്ചു.കമ്യൂണിസ്റ്റ് പാര്ട്ടിയുടെ വളര്ച്ചയ്ക്ക് രാജ്യത്തും സംസ്ഥാനത്തും അതുല്യമായ പങ്കുവഹിച്ച നേതാവാണ് സഖാവ് വിഎസ്. സഖാവിന്റെ നിര്യാണത്തില് പാര്ട്ടിയും കേരളത്തിലെയും ഇന്ത്യയിലെയും ജനങ്ങള് അന്ത്യാഞ്ജലി അര്പ്പിക്കുകയാണെന്നും എംവി ഗോവിന്ദന് പറഞ്ഞു.
രാവിലെ മൃതദേഹം ദബാര് ഹാളില് പൊതുദര്ശനത്തിന് വയ്ക്കും.ഉച്ചയ്ക്ക് ശേഷം ദേശീയ പാത വഴി ആലപ്പുഴയിലേക്ക് കൊണ്ടുപോകും. രാത്രിയോടെ ആലപ്പുഴിലെ വീട്ടിലെത്തിക്കും.
മറ്റന്നാള് രാവിലെ സിപിഎം ആലപ്പുഴ ജില്ലാ കമ്മറ്റി ഓഫിസില് പൊതുദര്ശനം. ഉച്ചയ്ക്ക് ശേഷം ആലപ്പുഴ വലിയ ചുടുക്കാട്ടില് സംസ്കാരം നടത്താനാണ് തീരുമാനമെന്ന് എംവി ഗോവിന്ദന് പറഞ്ഞു.
Discussion about this post