കൊല്ലം: കഴിഞ്ഞ ദിവസം ഷാര്ജയില് മരിച്ച അതുല്യയുടെ ഭര്ത്താവ് സതീഷ് ശങ്കറിനെ ജോലിയില് നിന്നും പിരിച്ചുവിട്ടു. സ്വകാര്യ കമ്പനിയില് സൈറ്റ് എഞ്ചിനീയറായിരുന്നു സതീഷ്.
സതീഷ് ഒരു വര്ഷം മുമ്പാണ് ജോലിയില് പ്രവേശിച്ചത്. ജോലിയിൽ നിന്നും പിരിച്ചുവിടുന്ന വിവരം കമ്പനി രേഖാമൂലം സതീഷിനെ ഔദ്യോഗികമായി അറിയിച്ചു. അതുല്യയുടെ ബന്ധുക്കള് നല്കിയ പരാതിയും അക്രമാസക്തമായ പെരുമാറ്റത്തിന്റെ വീഡിയോ ദൃശ്യങ്ങളും പരിഗണിച്ചാണ് നടപടിയെടുത്തതെന്ന് കമ്പനി അറിയിച്ചു.
അതേസമയം, അതുല്യയുടെ മരണം കൊലപാതകമാണെന്ന് ആരോപിച്ച് തെളിവുകൾ നിരത്തി ഷാര്ജയിലുള്ള സഹോദരി അഖില ഇന്ത്യന് കോണ്സുലേറ്റിന് പരാതി നല്കി. സതീഷിനെ കോണ്സുലേറ്റിലേക്ക് വിളിപ്പിച്ചതായി റിപ്പോര്ട്ടുണ്ട്.
Discussion about this post