തിരുവനന്തപുരം: മകന്റെ മർദ്ദനമേറ്റ പിതാവ് മരിച്ചു. തിരുവനന്തപുരത്താണ് സംഭവം. അതിയന്നൂർ വെൺപകലിനു സമീപം പട്ട്യക്കാല സംഗീതിൽ സുനിൽകുമാറാണ് മരിച്ചത്.
സംഭവത്തിൽ മാനസികനില തകരാറിലായ മകൻ സിജോയി സാമുവേലിനെ (19) പൊലീസ് അറസ്റ്റ് ചെയ്തു. സുനിൽകുമാർ- ലളിതകുമാരി ദമ്പതികളുടെ മൂന്നു മക്കളിൽ ഇളയവനാണ് സിജോയി.
അമിതമായ മൊബൈൽ ഫോൺ ഉപയോഗവും വീഡിയോ ഗെയിം ആസക്തിയും മൂലമാണ് മകൻ സിജോയിയുടെ മാനസിക നില തകരാറിലായതെന്നാണ് റിപ്പോർട്ട്.
മൊബൈല് ഉപയോഗം അമിതമായതോടെ രക്ഷിതാക്കള് നിയന്ത്രിക്കാന് ശ്രമിച്ചത് സിജോയിയെ കൂടുതല് ചൊടിപ്പിച്ചിരുന്നു. സിജോയുടെ അടിയേറ്റ് വീണ സുനിൽ കുമാറിനെ നാട്ടുകാരാണ് നെയ്യാറ്റിൻകരയിലെ സ്വകാര്യ ആശുപത്രിയിൽ എത്തിച്ചത്.
കോടതിയിൽ ഹാജരാക്കിയ സിജോയിയെ റിമാൻഡ് ചെയ്തു.വീഡിയോ ഗെയിമുകളും കൂടാതെ ഇന്റര്നെറ്റ് വഴിയുള്ള പല സാമ്പത്തിക ഇടപാടുകളും സിജോയിക്ക് ഉണ്ടായിരുന്നോയെന്നും സംശയമുണ്ട്. ഇക്കാര്യങ്ങളെല്ലാം പൊലീസ് അന്വേഷിച്ചു വരികയാണ്.
Discussion about this post