കാസര്കോട്: കാസര്കോട്ടെ സ്കൂളുകളില് വിദ്യാര്ത്ഥികളെ കൊണ്ട് പാദപൂജ ചെയ്യിച്ച സംഭവത്തില് ബാലാവകാശ കമ്മീഷന് കേസെടുത്തു. കാസര്കോട് ബന്തടുക്ക സരസ്വതി വിദ്യാലയത്തില് പാദപൂജ ചെയ്യുന്നതിന്റെ ദൃശ്യങ്ങള് പുറത്തു വന്നതിനു പിന്നാലെയാണ് തൃക്കരിപ്പൂര് ചക്രപാണി സ്കൂള്, ചീമേനി വിവേകാനന്ദ സ്കൂള്, കുണ്ടംകുഴി ഹരിശ്രീ വിദ്യാലയം എന്നിവിടങ്ങളിലും പാദപൂജ നടന്നെന്ന വിവരം പുറത്തുവന്നത്.
മാധ്യമ വാര്ത്തകളുടെ അടിസ്ഥാനത്തില് ബേക്കല് ഡിവൈഎസ്പിയോട് അടിയന്തരമായി റിപ്പോര്ട്ട് സമര്പ്പിക്കാന് ബാലാവകാശ കമ്മീഷന് നിര്ദേശിച്ചു. കുട്ടികളുടെ ആത്മാഭിമാനത്തെ ചോദ്യം ചെയ്യുന്ന രീതിയിലാണ് പ്രവര്ത്തിയെന്ന് കമ്മീഷന് അംഗം ബി മോഹന് കുമാര് പറഞ്ഞു.
അതേസമയം, മാതൃപൂജയും ഗുരുപൂജയും ഭാരതീയ വിദ്യാനികേതന് കീഴിലുള്ള സ്കൂളുകളില് പതിവാണെന്നും കുട്ടികളെക്കൊണ്ട് അനുഗ്രഹം വാങ്ങിക്കുന്ന ചടങ്ങ് മാത്രമെന്നുമാണ് സ്കൂള് അധികൃതരുടെ വിശദീകരണം.
Discussion about this post