തൃശൂര്: പടിയൂര് ഇരട്ടകൊലപാതക കേസിലെ പ്രതിയെ ഉത്തരാഖണ്ഡിൽ മരിച്ച നിലയില് കണ്ടെത്തി. പ്രേംകുമാറിനെയാണ് മരിച്ച നിലയില് കണ്ടെത്തിയത്.
മരണകാരണം വ്യക്തമായിട്ടില്ല.
കേദാര്നാഥിലെ വിശ്രമകേന്ദ്രത്തിലാണ് മരിച്ച നിലയില് കണ്ടെത്തിയത്. പ്രതിയെ മരിച്ച നിലയില് കണ്ടെത്തിയ വിവരം ഉത്തരാഖണ്ഡ് പൊലീസ് സംസ്ഥാനത്തെ അന്വേഷണ സംഘത്തെ അറിയിച്ചിട്ടുണ്ട്.
അതേസമയം, പൊലീസ് അവിടെ ചെന്ന് മൃതദേഹം കണ്ട് മരിച്ചത് പ്രേംകുമാര് തന്നെയാണെന്ന് ഉറപ്പിച്ചാല് മാത്രമേ ഔദ്യോഗിക സ്ഥിരീകരണം ഉണ്ടാവുകയുള്ളു.
പ്രേംകുമാറിന്റേത് ആത്മഹത്യയാണോ സ്വാഭാവിക മരണമാണോ എന്ന കാര്യത്തിലും വ്യക്തതയില്ല
ഈ മാസം രണ്ടാം തീയതിയാണ് പ്രേംകുമാറിന്റെ ഭാര്യ കൈതവളപ്പില് രേഖ (43), ഭാര്യാമാതാവ് മണി (74 ) എന്നിവരെ കൊലപ്പെടുത്തിയ ശേഷം പ്രതി മുങ്ങിയത്.
സംഭവത്തിൽ കോട്ടയം കുറിച്ചി സ്വദേശി പ്രേംകുമാറിനായി പൊലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. ഇയാള് ഉദയംപേരൂര് സ്വദേശിനിയായ ആദ്യ ഭാര്യയെ കൊലപ്പെടുത്തിയ കേസിലെ പ്രതിയാണ്.
Discussion about this post