കണ്ണൂര്: ഇരിട്ടിയില് ഓടുന്ന ബസില് വെച്ച് ഡ്രൈവര്ക്ക് ദേഹാസ്വാസ്ഥ്യം. ഡ്രൈവര്ക്ക് ബോധം നഷ്ടമായതോടെ നിയന്ത്രണം വിട്ട് ബസ് പുറകോട്ട് നീങ്ങി. കണ്ടക്ടറുടെ സമയോചിത ഇടപെടലില് വന് അപകടമാണ് ഒഴിവായത്. മാത്തറ തലശ്ശേറി റൂട്ടിലോടുന്ന മുന്ഷ ബസിലാണ് സംഭവം.
ഡ്രൈവര്ക്ക് രക്ത സമ്മര്ദ്ദം കുറഞ്ഞതായാണ് വിവരം. ഇരിട്ടി പുതിയ ബസ് സ്റ്റാന്റില് നിന്നു പഴയ സ്റ്റാന്റിലേക്ക് പോകുന്നതിനിടെയാണ് സംഭവമുണ്ടായത്. ബസ് പുറകിലേക്ക് പോകുന്നത് ശ്രദ്ധയില്പ്പെട്ട ക്ലീനര് പ്രവീണ് കണ്ടക്ടറെ വിവരം അറിയിച്ചു. ഉടന് ഡ്രൈവറുടെ സീറ്റിലേക്ക് ഓടിയെത്തിയ കണ്ടക്ടര് ബ്രേക്ക് നിര്ത്തിപ്പിടിച്ചതിനാല് വന് അപകടം ഒഴിവായി.
Discussion about this post