തിരുവനന്തപുരം: തിരുവനന്തപുരത്ത് പിഎംജിയില് പ്രവര്ത്തിക്കുന്ന ടിവിഎസ് സ്കൂട്ടര് ഷോറൂമില് വന് തീപിടുത്തം. അഞ്ച് ഫയര്ഫോഴ്സ് യൂണിറ്റുകളെത്തി തീ അണക്കാന് ശ്രമം തുടങ്ങി. തീ നിയന്ത്രണ വിധേയമാണെന്ന് ഫയര്ഫോഴ്സ് ഉദ്യോഗസ്ഥര് അറിയിച്ചു.
പുലര്ച്ചെ നാല് മണിയോടെയാണ് തീപിടുത്തം ഉണ്ടായത്. എന്താണ് തീപിടുത്തത്തിന് കാരണം എന്ന് വ്യക്തമായിട്ടില്ല. ഷോര്ട്ട് സര്ക്യൂട്ട് ആണെന്നാണ് പ്രാഥമിക നിഗമനം. അപകട സമയത്ത് ജീവനക്കാര് ആരും ഷോറൂമില് ഉണ്ടായിരുന്നില്ല എന്നാണ് വിവരം.
സമീപത്തുള്ള കെട്ടിടത്തിലെ സെക്യൂരിറ്റി ജീവനക്കാരാണ് ഫയര്ഫോഴ്സിനെ വിവരം അറിയിച്ചത്. തിരുവനന്തപുരത്ത് നിന്ന് നാല് യൂണിറ്റ്, ചാക്കയില് നിന്ന് മൂന്ന് യൂണിറ്റ്, വിഴിഞ്ഞം ഒരു യൂണിറ്റ്, കഴക്കൂട്ടം ഒരു യൂണിറ്റ്, നെടുമങ്ങാട് ഒരു യൂണിറ്റ് എന്നിവരെത്തി രക്ഷാപ്രവര്ത്തനം തുടരുകയാണ്. പുതിയ സ്കൂട്ടറുകള്ക്ക് അടക്കം തീപിടിച്ചു എന്നാണ് വിവരം. ലക്ഷക്കണക്കിന് രൂപയുടെ നഷ്ടമാണ് ഉണ്ടായിരിക്കുന്നത് എന്നാണ് പ്രാഥമിക നിഗമനം.
Discussion about this post