മലപ്പുറം: നിലമ്പൂർ തെരഞ്ഞെടുപ്പ് ചൂടിലേക്ക് കടന്നിരിക്കുകയാണ്.ഇടതു മുന്നണി, ബിജെപി, തൃണമൂല് കോണ്ഗ്രസ് സ്ഥാനാര്ത്ഥികള് നാമനിര്ദേശ പത്രിക സമർപ്പിച്ചു.
രാവിലെ 11 മണിക്ക് ആണ് എം സ്വരാജ് ഉപവരണാധികാരി നിലമ്പൂര് തഹസില്ദാര് എം പി സിന്ധു മുമ്പാകെ നാമനിര്ദേശ പത്രിക സമര്പ്പിച്ചത്. എ വിജയരാഘവന്, പി കെ സൈനബ, ഇ എന് മോഹന്ദാസ് തുടങ്ങിയ സിപിഎം നേതാക്കള് സ്വരാജിന് ഒപ്പമുണ്ടായിരുന്നു.
ഇതിനു പിന്നാലെ പി വി അന്വറും നാമനിര്ദേശ പത്രിക സമര്പ്പിച്ചു. പ്രവര്ത്തകരുടെ അകമ്പടിയോടെ തുറന്ന ജീപ്പില് പ്രകടനമായെത്തിയാണ് അന്വര് നിലമ്പൂര് താലൂക്ക് ഓഫീസിലെത്തി നാമനിര്ദേശ പത്രിക സമര്പ്പിച്ചത്.
ബിജെപി സ്ഥാനാര്ത്ഥി അഡ്വ. മോഹന് ജോര്ജും ഉച്ചയ്ക്ക് ശേഷം നാമനിര്ദേശ പത്രിക സമര്പ്പിച്ചു. നിരവധി പ്രവര്ത്തകരുടെ അകമ്പടിയോടെ പ്രകടനമായിട്ടാണ് ബിജെപി സ്ഥാനാര്ത്ഥിയും നാമനിര്ദേശ പത്രിക സമര്പ്പിക്കാനെത്തിയത്.
Discussion about this post