പത്തനംതിട്ട: നീറ്റ് പരീക്ഷയ്ക്കിടെ ആൾമാറാട്ട ശ്രമം.
വ്യാജ ഹാള്ടിക്കറ്റുമായി നീറ്റ് പരീക്ഷയ്ക്ക് എത്തിയ വിദ്യാര്ഥി പിടിയിലായി. പത്തനംതിട്ട ജില്ലയിലാണ് സംഭവം.
തൈക്കാവ് വിഎച്ച്എസ്എസിലാണ് വ്യാജ ഹാള്ടിക്കറ്റുമായി വിദ്യാർഥി പരീക്ഷയ്ക്കെത്തിയത്. തിരുവനന്തപുരത്തുള്ള മറ്റൊരു വിദ്യാര്ഥിയുടെ പേരിലെ ഹാള്ടിക്കറ്റാണ് ഉപയോഗിച്ചത്.
ഹാള്ടിക്കറ്റിന്റെ ആദ്യഭാഗത്ത് കസ്റ്റഡിയിലുള്ള വിദ്യാര്ഥിയുടെ പേരും ഡിക്ലറേഷന് ഭാഗത്ത് മറ്റൊരു വിദ്യാര്ത്ഥിയുടെ പേരും ആണുള്ളത്. സംഭവത്തിൽ വിദ്യാര്ഥിയെ പത്തനംതിട്ട പൊലീസ് കസ്റ്റഡിയിലെടുത്തു.
Discussion about this post