കോഴിക്കോട്: കോഴിക്കോട് മെഡിക്കല് കോളേജില് തീപിടിത്തമുണ്ടായതിന് പിന്നാലെ അഞ്ച് രോഗികള് മരിച്ച സംഭവത്തില് പോലീസ് കേസെടുത്തു. ഗോപാലന്, ഗംഗാധരന്, സുരേന്ദ്രന്, ഗംഗ, നസീറ എന്നിവരുടെ മരണവുമായി ബന്ധപ്പെട്ട് അസ്വാഭാവിക മരണത്തിനാണ് കേസെടുത്തത്. അഞ്ച് പേരും പുക ശ്വസിച്ചും ശ്വാസം കിട്ടാതെയും മരിച്ചുവെന്ന് ആരോപണം ഉയര്ന്ന പശ്ചാത്തലത്തിലാണ് നടപടി.
അതിനിടെ കോഴിക്കോട് മെഡിക്കല് കോളേജിലെ പൊട്ടിത്തെറിക്ക് പിന്നാലെ മരിച്ചവരുടെ മൃതദേഹങ്ങള് പോസ്റ്റ്മോര്ട്ടം ചെയ്യാന് തീരുമാനിച്ചു. പോസ്റ്റ്മോര്ട്ടത്തിലൂടെ മാത്രമേ ഈ ആരോപണവും മരണത്തിലുണ്ടായ സംശയവും ദൂരീകരിക്കാനും സാധിക്കൂവെന്ന് മെഡിക്കല് കോളേജ് പ്രിന്സിപ്പില് വ്യക്തമാക്കി.
Discussion about this post