കോഴിക്കോട്: യുവ കര്ഷകനെ വയലില് മരിച്ച നിലയില് കണ്ടെത്തി. കോഴിക്കോട് ജില്ലയിലെ
പേരാമ്പ്രയില് ആണ് സംഭവം. ഈസ്റ്റ് പേരാമ്പ്ര വളയംകണ്ടത്തെ പുത്തന്പുരയില് ഷൈജുവാണ് മരിച്ചത്.
കപ്പക്കൃഷിക്കായി ഇന്ന് രാവിലെ വയലിലേക്ക് പോയതായിരുന്നു ഷൈജു. ഉച്ച കഴിഞ്ഞിട്ടും ഷൈജുവിനെ കാണാതായതിനെ തുടര്ന്ന് നടത്തിയ അന്വേഷണത്തിലാണ് വയലിനോട് ചേര്ന്ന തോട്ടില് കിടക്കുന്ന നിലയില് കണ്ടത്.
ഉടൻ തന്നെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. അപസ്മാരം വന്നതോടെയാണ് മരണം സംഭവിച്ചതെന്നാണ് പ്രാഥമിക നിഗമനം. കൂത്താളി പഞ്ചായത്തിലെ മികച്ച കര്ഷകനുള്ള അവാര്ഡിന് ഷൈജു അര്ഹനായിരുന്നു.
പിതാവ്: പരേതനായ പുത്തന്പുരയില് ബാലന്. മാതാവ്: ശാരദ. സഹോദരങ്ങള്: ഷൈജ, ബബീഷ്.
Discussion about this post