കണ്ണൂര്: മരിച്ച കണ്ണൂര് മുന് എഡിഎം നവീന് ബാബുവിനെ, യാത്രയയപ്പ് ചടങ്ങില് പരസ്യമായി അപമാനിക്കാന് പിപി ദിവ്യ ആസൂത്രിത നീക്കം നടത്തിയതായി മൊഴികള്. നവീന്ബാബുവിന്റ മരണത്തെകുറിച്ച് അന്വേഷിച്ച ലാന്ഡ് റവന്യു ജോയിന്റ് കമ്മീഷണറുടെ റിപ്പോര്ട്ടിലാണ് നിര്ണ്ണായക വിവരങ്ങള്.
ചടങ്ങിന് മുമ്പ് ദിവ്യയുടെ സഹായി നാലുവട്ടം കളക്ടറുടെ സ്റ്റാഫിനെ വിളിച്ചു. പരിപാടി ചിത്രീകരിക്കാന് ആവശ്യപ്പെട്ടതും വീഡിയോ കൈപ്പറ്റിയതും ദിവ്യയെന്നാണ് കണ്ണൂര് വിഷന് പ്രതിനിധികളുടെ മൊഴി. ഇത്രയേറെ ആസൂത്രണം നടത്തിയിട്ടും വഴിയെ പോകുമ്പോള് പരിപാടിക്കെത്തി എന്നായിരുന്നു ദിവ്യയുടെ പ്രസംഗം.
അതേസമയം, പെട്രോള് പമ്പ് അനുമതിക്കായി നവീന് ബാബു കൈക്കൂലി വാങ്ങിയതിന് ഒരു തെളിവുമില്ലെന്നാണ് റിപ്പോര്ട്ടിലെ കണ്ടെത്തല്.
Discussion about this post