പാലക്കാട് : ആന പാപ്പാനെ കുത്തിക്കൊന്നു. കൂറ്റനാട് നേര്ച്ചക്കിടെയായിരുന്നു സംഭവം. കുഞ്ഞുമോന് എന്ന പാപ്പാന് ആണ് മരിച്ചത്. കഴിഞ്ഞ ദിവസം രാത്രി 11 മണിയോടെയാണ് സംഭവം.
വള്ളംകുളം നാരായണന്കുട്ടി എന്ന ആനയാണ് ഇടഞ്ഞത്. കൂറ്റനാട് ആഘോഷ പരിപാടിയുടെ അവസാന ഇനമായ ഗജസംഗമം കഴിഞ്ഞ് മടങ്ങുന്നതിനിടെയാണ് ആന ഇടഞ്ഞത്.
സമീപത്തുണ്ടായിരുന്ന പാപ്പാനെ കൊമ്പ് കൊണ്ട് കുത്തിക്കൊല്ലുകയായിരുന്നു. പ്രദേശത്ത് ഏറെനേരം പരിഭ്രാന്തി സൃഷ്ടിച്ച ആന റോഡരികില് പാര്ക്ക്
ചെയ്തിരുന്ന ബൈക്കുകളും കാറുകളും തകര്ത്തിട്ടുണ്ട്.
ആനയുടെ ആക്രമണത്തിൽ ഒരാള്ക്ക് കൂടി പരിക്കേറ്റതായാണ് വിവരം. അതേസമയം, ആന ഇടഞ്ഞത് അറിഞ്ഞ് അവിടെ ഉണ്ടായിരുന്ന ആളുകള് ഓടി മാറിയത് കൊണ്ട് വൻ ദുരന്തം ഒഴിവായി.
ഏറെ നേരത്തെ പരിശ്രമത്തിന് ഒടുവിലാണ് ഇടഞ്ഞ ആനയെ തളച്ചത്. മയക്കുവെടിവെച്ച് തളച്ച ആനയെ സംഭവ സ്ഥലത്ത് നിന്നും മാറ്റി.
Discussion about this post