കണ്ണൂര്: കണ്ണൂരില് സ്കൂള് ബസ് നിയന്ത്രണം വിട്ട് മറിഞ്ഞുണ്ടായ അപകടം നാടിനെ ഒന്നടങ്കം നടുക്കിയിരിക്കുകയാണ്. അശാസ്ത്രീയമായി നിര്മിച്ച റോഡും ഡ്രൈവറുടെ അശ്രദ്ധയുമാണ് അപകടകാരണമെന്നാണ് എംവിഡിയുടെ പ്രഥമിക നിഗമനം.
സ്കൂള് ബസിന് യന്ത്രത്തകരാറില്ലെന്നും ബ്രേക്കിനും എഞ്ചിനും തകരാറുണ്ടായിരുന്നില്ലെന്നും എംവിഡിയുടെ പ്രാഥമിക റിപ്പോര്ട്ടില് പറയുന്നു. ഡ്രൈവര് ഫോണ് ഉപയോഗിച്ചതിനാല് ശ്രദ്ധ പാളിയതാകാന് സാധ്യതയുടെന്നും എംവിഐ ഉദ്യോഗസ്ഥന് റിയാസ് മാധ്യമങ്ങളോട് പറഞ്ഞു.
ബസ് ഡ്രൈവര് നിസാം സിസിടിവിയില് കാണുന്ന അപകടത്തിന്റെ ദൃശ്യത്തിലെ സമയമായ 4.03-ന് വാട്സാപ്പ് സ്റ്റാറ്റസ് ഇട്ടതായി തെളിവുകള് പുറത്തുവന്നിരുന്നു. അതേസമയം, വാഹനം ഓടിക്കുന്നതിനിടെ ഫോണ് ഉപയോഗിച്ചിട്ടില്ലെന്ന് സ്കൂള് ബസ് ഡ്രൈവര് നിസാമുദ്ദീന് പറഞ്ഞു.
വാട്സ് ആപ്പ് സ്റ്റാറ്റസ് നേരത്തെ ഇട്ടതാണെന്നും അത് അപ് ലോഡാകാന് സമയമെടുത്തതാകാമെന്നും നിസാമുദ്ദീന് പറഞ്ഞു.
Discussion about this post