കോഴിക്കോട്: അര്ജുന്റെ കുടുംബത്തിന്റെ പരാതിയുടെ അടിസ്ഥാനത്തില് ലോറിയുടമ മനാഫിന്റെ യൂട്യൂബ് പേജും കമന്റും പരിശോധിച്ചു വരികയാണെന്ന് അന്വേഷണ ചുമതലയുള്ള മെഡിക്കല് കോളേജ് എസിപി. അന്വേഷണത്തില് കുറ്റക്കാരനാണെങ്കില് മനാഫിനെതിരെ നടപടിയെടുക്കുമെന്ന് എസിപി അറിയിച്ചു. അല്ലെങ്കില് എഫ്ഐആറില് നിന്നും ഒഴിവാക്കും.
കുടുംബത്തിന്റെ ആദ്യ പരാതിയില് മനാഫിന്റെ പേരുണ്ട്. അതിന്റെ അടിസ്ഥാനത്തിലാണ് എഫ്ഐആറില് ഉള്പ്പെടുത്തിയതെന്നും എസിപി പറഞ്ഞു. സൈബര് ആക്രമണത്തിനെതിരെ ഇന്നലെ കോഴിക്കോട് കമ്മീഷണര്ക്കാണ് അര്ജുന്റെ സഹോദരി അഞ്ജു പരാതി നല്കിയത്. സഹിക്കാനാകാത്ത വിധത്തിലുള്ള സൈബര് ആക്രമണമാണ് നടക്കുന്നതെന്നാണ് കുടുംബം നല്കിയ പരാതിയില് പറയുന്നത്.
Discussion about this post