ചേര്ത്തല: റോഡു മാര്ഗം വന്തോതില് കഞ്ചാവ് കടത്തുന്നുവെന്ന രഹസ്യ വിവരത്തെ തുടര്ന്ന് നടത്തിയ പരിശോധനയില് ഏഴ് കിലോ കഞ്ചാവുമായി രണ്ട് യുവാക്കള് പിടിയില്. അരൂര്, ചന്തിരൂര് സ്വദേശികളായ വിനോദ് (28), സഞ്ജു (27) എന്നിവരെയാണ് അര്ത്തുങ്കല് പോലീസ് അറസ്റ്റ് ചെയ്തത്.
അര്ത്തുങ്കല് ഫിഷ് ലാന്റിംഗ് സെന്ററിന് സമീപത്ത് നിന്നാണ് കഞ്ചാവുമായി യുവാക്കള് പിടിയിലായത്. ആലപ്പുഴ ജില്ലാ ലഹരി വിരുദ്ധ സ്ക്വാഡിന്റെ സഹായത്തോടെയായിരുന്നു പോലീസിന്റെ നീക്കം. ഇവര് ഒഡിഷയില് നേരിട്ട് പോയി കഞ്ചാവ് വാങ്ങിയാണ് ചേര്ത്തല, ആലപ്പുഴ, അര്ത്തുങ്കല് എന്നീ ഭാഗങ്ങളില് കച്ചവടം നടത്തിയിരുന്നത്. ഒന്നോ രണ്ടോ മാസംകൂടുമ്പോള് ഒഡിഷയില് പോയി കഞ്ചാവ് വാങ്ങി വില്പ്പന നടത്തി വരികയായിരുന്നുവെന്ന് പോലീസ് പറഞ്ഞു.
സിഐ പി.ജി. മധു, എസ്ഐ സജീവ്, ജിഎസ്ഐ ബിജു, എഎസ്ഐ ബെന്നി എസ്പിഓമാരായ ബൈജു, സേവ്യര്, സിപിഒ മനു എന്നിവരടങ്ങിയ സംഘമാണ് പ്രതികളെ പിടികുടിയത്.
Discussion about this post