കണ്ണൂർ: കണ്ണൂർ മമ്പറത്ത് വീടിന് മുന്നിൽ കളിച്ചുകൊണ്ടിരിക്കെ കാറിടിച്ചുണ്ടായ അപകടത്തിൽ അഞ്ചുവയസ്സുകാരി മരിച്ചു. പറമ്പായി സ്വദേശികളായ അബ്ദുൽ നാസർ- ഹസ്നത്ത് ദമ്പതികളുടെ മകൾ സൻഹ മറിയ(5)മാണ് മരിച്ചത്.
ഇന്നലെ വൈകീട്ട് അഞ്ച് മണിയോടെയാണ് അപകടമുണ്ടായത്. ഈസ്റ്റ് കതിരൂർ അൽബിർറ് സ്കൂളിലെ യുകെജി വിദ്യാർഥിനിയായിരുന്നു. വീടിന് മുന്നിലെ റോഡിൽ കളിക്കുന്നതിനിടെയാണ് കാർ വന്നിടിച്ചത്.
ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചിരുന്നു. ചികിത്സയിലിരിക്കെ ഇന്ന് പുലർച്ചെയാണ് മരണം.
Discussion about this post