തിരുവനന്തപുരം: അടുത്ത മണ്ഡല- മകരവിളക്ക് കാലത്ത് ശബരിമല ദര്ശനം ഓണ്ലൈന് ബുക്കിങ്ങിലൂടെ മാത്രം. തിരുവിതാംകൂര് ദേവസ്വം ബോര്ഡിന്റേതാണ് തീരുമാനം. ദര്ശനത്തിന് സ്പോട് ബുക്കിങ് ഉണ്ടാവില്ലെന്നും, ഓണ്ലൈന് ബുക്കിങ് മാത്രം അനുവദിച്ചാല് മതിയെന്നുമാണ് ബോര്ഡിന്റെ തീരുമാനം. പ്രതിദിനം ബുക്കിങ് 80000 ത്തില് നിര്ത്താനാണ് തീരുമാനം. നേരത്തെ ഇത് 90,000 ആയിരുന്നു.
തിരക്ക് കുറക്കാനും ഭക്തര്ക്ക് സുഖ ദര്ശനത്തിനുമാണ് പുതിയ ക്രമീകരണമെന്ന് ബോര്ഡ് അറിയിച്ചു. മൂന്ന് മാസം മുമ്പ് ഓണ്ലൈനായി വെര്ച്വല് ക്യൂ ബുക്കിങ്ങിനായുള്ള സൗകര്യം ഏര്പ്പെടുത്തും. ശബരിമലയില് കഴിഞ്ഞ തവണയുണ്ടായ തിരക്ക് നിയന്ത്രിക്കാന് കഴിയാതിരുന്നതില് സര്ക്കാര് സംവിധാനങ്ങള് ഏറെ പഴികേട്ട സാഹചര്യത്തിലാണ് ഇന്ന്. ഇന്ന് ചേര്ന്ന ദേവസ്വം ബോര്ഡ് ഉദ്യോഗസ്ഥരുടെ അടക്കം യോഗത്തിലാണ് തീരുമാനം.
Discussion about this post