തിരുവനന്തപുരം: ‘ജീവിതം മടുത്തു. അതിനാല് പോകുന്നു’ കഴിഞ്ഞ ദിവസം ജീവനൊടുക്കിയ തിരുവനന്തപുരം മെഡിക്കല് കോളേജിലെ യുവ ഡോക്ടര് അഭിരാമിയുടെ ആത്മഹത്യാ കുറിപ്പ് പുറത്ത്. തന്റെ മരണത്തില് ആരും ഉത്തരവാദികളല്ലെന്നാണ് അഭിരാമി ആത്മഹത്യാ കുറിപ്പില് കുറിച്ചത്.
‘ജീവിതം മടുത്തു. അതിനാല് പോകുന്നുവെന്നാണ് കുറിപ്പിലെഴുതിയിട്ടുള്ളത്. അഭിരാമി മരിച്ചു കിടന്ന മുറിയില് നിന്നാണ് ആത്മഹത്യാ കുറിപ്പ് കണ്ടെടുത്തത്.
ആത്മഹത്യയില് മെഡിക്കല് കോളേജ് പോലീസ് അന്വേഷണം ആരംഭിച്ചിട്ടുണ്ട്. അമിത അളവില് അനസ്തേഷ്യ മരുന്ന് കുത്തി വച്ചതാണ് മരണകാരണമെന്നായിരുന്നു പ്രാഥമിക നിഗമനം. പോസ്റ്റ് മോര്ട്ടം നടപടികള്ക്ക് ശേഷം കൂടുതല് കാര്യങ്ങള് വ്യക്തമാകും. സഹപാഠികളുടെ ഉള്പ്പെടെ മൊഴിയെടുക്കും.
ആറ് മാസം മുന്പായിരുന്നു അഭിരാമിയുടെ വിവാഹം കഴിഞ്ഞത്. കുടുംബ പ്രശ്നങ്ങളോ മറ്റ് എന്തെങ്കിലുമാണോ ആത്മഹത്യക്ക് കാരണം എന്നും പോലീസ് പരിശോധിക്കും. കഴിഞ്ഞ ദിവസം വൈകിട്ട് ആയിരുന്നു മെഡിക്കല് കോളേജിന് സമീപമുള്ള ഫ്ലാറ്റില് അഭിരാമിയെ മരിച്ച നിലയില് കണ്ടെത്തിയത്. വെള്ളനാട് സ്വദേശിയായ അഭിരാമി തിരുവനന്തപുരം മെഡിക്കല് കോളേജ് ആശുപത്രിയില് സീനിയര് റെസിഡന്റ് ഡോക്ടര് ആയി പ്രവര്ത്തിക്കുകയാണ്.
Discussion about this post