ഹരിപ്പാട്: സ്ത്രീകള്ക്കും കുട്ടികള്ക്കും മുന്നില് അശ്ലീല പ്രദര്ശനം നടത്തിയ യുവാവ് അറസ്റ്റില്. ആലപ്പുഴ ജില്ലയിലെ പള്ളിപ്പാട് വഞ്ചിയില് വീട് മഹേഷ് (ചേന മഹേഷ്) നെയാണ് ഹരിപ്പാട് പൊലീസ് അറസ്റ്റ് ചെയ്തത്.
നിരവധി മോഷണക്കേസുകളിലെ പ്രതിയാണ് ഇയാള്. പൊതുനിരത്തില് സ്ത്രീകള്ക്കും കുട്ടികള്ക്കും മുന്നില് അശ്ലീല പ്രദര്ശനം നടത്തുകയും വ്യാപാര സ്ഥാപനങ്ങളില് ജോലി ചെയ്യുന്ന സ്ത്രീ തൊഴിലാളികളോട് മോശമായി പെരുമാറുകയും ചെയ്തിരുന്നു.
തുടര്ന്ന് ഇയാള്ക്കെതിരെ പള്ളിപ്പാട് ഗ്രാമപഞ്ചായത്ത് അധികൃതര് പൊലീസില് പരാതി നല്കുകയായിരുന്നു. പൊയ്യക്കര ജംഗ്ഷനില് വെച്ച് കഴിഞ്ഞ ദിവസം ഇയാള് സ്കൂള് വിദ്യാര്ത്ഥിനികള്ക്ക് മുമ്പില് അശ്ലീല പ്രദര്ശനം നടത്തിയിരുന്നു.
ഈ കേസിലാണ് പോസ്കോ ചുമത്തി അറസ്റ്റ് ചെയ്തത്. ഐഎസ്എച്ച് ഒ ശ്യാംകുമാര് വിഎസ്, എസ്ഐമാരായ ഷൈജ, ഉദയകുമാര്, ഷെഫീഖ്, എ എസ് ഐ വിനോദ് കുമാര്, സിപിഒ നിഷാദ്, സോജു, അരുണ് കുമാര്, പ്രദീപ് ഉണ്ണികൃഷ്ണന്, രതീഷ് എന്നിവര് അടങ്ങുന്ന പൊലീസ് സംഘമാണ് പ്രതിയെ അറസ്റ്റ് ചെയ്തത്.
Discussion about this post