ജന്മദിനം ആഘോഷമാക്കണമെന്ന് ആഗ്രഹിക്കുന്നവരായിരിക്കും മിക്കവരും. എന്നാൽ പലകാരണങ്ങളാൽ ആഘോഷിക്കാനോ ആശംസിക്കാനോ ആരുമില്ലാതായി പോകുന്നവരുമുണ്ട്. പ്രായം കൂടും തോറും പിറന്നാൾ തന്നെ പ്രിയപ്പെട്ടവരും മറക്കും.
ഇത്തരത്തിൽ മധ്യവയസിലേക്ക് നീങ്ങിയതോടെ പിറന്നാൾ ആശംസകൾ ആഗ്രഹിച്ചിട്ടും ആരും ആശംസിക്കാനില്ലാത്തതിന്റെ നോവ് പങ്കിട്ടിരിക്കുകയാണ് സോഷ്യൽമീഡിയയിലൂടെ ഒരു സ്ത്രീ. അവരുടെ പിറന്നാൾ ദിനത്തിൽ ഒരു ആശംസയെങ്കിലും ആഗ്രഹിച്ചാണ് ഇവർ വീഡിയോ പോസ്റ്റ് ചെയ്തിരിക്കുന്നത്.
ഞാനാദ്യം എന്നെത്തന്നെ ഒന്നു വിഷ് ചെയ്യട്ടേ പിറന്നാളാശംസകൾ അംബിക്കുട്ടീ എന്നുപറഞ്ഞാണ് വീഡിയോ ആരംഭിക്കുന്നത്. തന്റെ പിറന്നാൾ ദിനമാണ് ഇന്നെന്നും ആരും ആശംസിച്ചില്ലെന്നും വിഷമത്തോടെ പറയുകയാണ് സാവിത്രി അംബി എന്ന ഇൻസ്റ്റഗ്രാം അക്കൗണ്ടിലൂടെ ഇവർ.
ഈ വീഡിയോ വൈറലായെന്ന് മാത്രമല്ല, ആശംസകളുമായി എത്തിയത് സെലിബ്രിറ്റികൾ ഉൾപ്പടെയുള്ളവരമായിരുന്നു. ഒന്നു വിഷ് ചെയ്യാമോ എന്ന ക്യാപ്ഷനോടെയാണ് സാവിത്രി അംബി വീഡിയോ പങ്കിട്ടത്.
ALSO READ- സില്ക്യാര തുരങ്ക അപകടം: തൊഴിലാളികള്ക്ക് ധനസഹായം പ്രഖ്യാപിച്ച് മുഖ്യമന്ത്രി, ആരോഗ്യ നില തൃപ്തികരം
‘ഇന്ന് തന്റെ പിറന്നാളാണെന്ന വിവരം നിങ്ങൾക്കറിയാമോയെന്നും തന്റെ വീട്ടിലിലുള്ളവർക്കുപോലും അറിയാത്തത് നിങ്ങൾക്കെങ്ങനെ അറിയാനാണല്ലേ എന്നും അവർ ചോദിക്കുന്നുണ്ട്. സമയം അഞ്ചുമണിയായിട്ടും ആരും തനിക്ക് പിറന്നാളാശംസ നേർന്നിട്ടില്ലെന്നും അവർ പറയുന്നു.തനിക്ക് എല്ലാവരുമുണ്ടെങ്കിലും പിറന്നാൾ ഓർത്തുവച്ച് ആശംസിക്കാൻ ആരുമില്ലെന്നും നിങ്ങൾ എല്ലാവരും ഇതുകണ്ട് തന്നെ വിഷ് ചെയ്യണമെന്ന് വലിയ ആഗ്രഹമാണെന്നും തൊണ്ടയിടറി കൊണ്ട് പരയുകയാണ് ഇവർ.
ഇതോടെ വൈറലായ വീഡിയോക്കു കീഴെ സിനിമാലോകത്ത് നിന്നും നടിമാരായ ഐശ്വര്യ ലക്ഷ്മി, നിമിഷ സജയൻ, ശിൽപ ബാല, ദിവ്യ ഉണ്ണി, നിരഞ്ജന അനൂപ്, ഗായികമാരായ സിതാര കൃഷ്ണകുമാർ, അമൃത സുരേഷ്, രഞ്ജിനി ജോസ്, അഞ്ജു ജോസഫ് തുടങ്ങി നിരവധി പേരാണ് പിറന്നാളാശംസകൾ നേർന്നത്.
Discussion about this post