തിരുവനന്തപുരം: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച 31 കാരന് അറസ്റ്റില്. പാലോട് ഇടിഞ്ഞാര് പേത്തലക്കരിക്കകം സ്വദേശി വിപിന് ഷാല് (31) ആണ് അറസ്റ്റിലായത്. ഭാര്യയുടെ ഇടപെടലിനെ തുടര്ന്നാണ് അറസ്റ്റ്.
പാങ്ങോട് പൊലീസാണ് അറസ്റ്റ് ചെയ്തത്. കുട്ടിയെ പീഡിപ്പിച്ച ശേഷം കുട്ടിയുമൊത്ത് എടുത്ത നഗ്ന ഫോട്ടോ പ്രതിയുടെ മൊബൈലില് ഭാര്യ കാണുകയും തുടര്ന്ന് ഭാര്യ പാങ്ങോട് പഞ്ചായത്തിലെ വാര്ഡ് മെമ്പറെ വിവരം അറിയിക്കുകയും ആയിരുന്നു.
തുടര്ന്ന് വാര്ഡ് മെമ്പര് പാങ്ങോട് പൊലീസില് വിവരം അറിയിച്ചു തുടര്ന്ന് പൊലീസ് വീട്ടില് ചെന്ന് കുട്ടിയുടെ മൊഴി എടുത്തു. തന്നെ നഗ്നചിത്രം കാണിച്ചാണ് വിപിന് ഷാല് നിരന്തരം പീഡിപ്പിച്ചത് എന്ന് കുട്ടി പൊലീസിനോട് പറഞ്ഞു.
തുടര്ന്ന് ഇയാളെ ഇടിഞ്ഞാറില് നിന്നും പിടികൂടി. പ്രതിയെ നെടുമങ്ങാട് പോക്സോ കോടതിയില് ഹാജരാക്കി റിമാന്ഡ് ചെയ്തു.
Discussion about this post