കോട്ടയം: യുവതിയെ വിവാഹ വാഗ്ദാനം നൽകി പീഡിപ്പിച്ച് മൊബൈൽ ഫോണിൽ ചിത്രങ്ങൾ പകർത്തിയയാൾ ഇരയായ യുവതിയെ വീട്ടിൽ വിളിച്ചുവരുത്തി വെട്ടിവീഴ്ത്തി. ഇയാൾ ദൃശ്യങ്ങൾ ഫോണിൽ പകർത്തിയത് തിരിച്ചറിഞ്ഞ് ബന്ധം അവസാനിപ്പിച്ചതോടെയാണ് യുവതിയെ വിളിച്ചുവരുത്തി പ്രതി വെട്ടിയത്. സംഭവത്തിൽ കോരൂത്തോട് കോസടി കുരിയിലംകാട്ടിൽ ഡെന്നീസ് ദേവസ്യയെ (31) പോലീസ് അറസ്റ്റ് ചെയ്തു.
ഡെന്നീസ് കാഞ്ഞിരപ്പള്ളി സ്വദേശിനിയുമായി പ്രണയത്തിലായിരുന്നു. ശേഷം വിവാഹവാഗ്ദാനം നൽകിയാണ് പീഡിപ്പിച്ചത്. യുവതിയുടെ സ്വകാര്യചിത്രങ്ങൾ പ്രതി മൊബൈൽ ഫോണിൽ പകർത്തുകയും ചെയ്തിരുന്നു. ഇക്കാര്യം തിരിച്ചറിഞ്ഞ യുവതി ഇയാളുമായുള്ള സൗഹൃദത്തിൽനിന്ന് പിന്മാറുകയായിരുന്നു.
ഇതോടെ യുവതിയോട് പക തോന്നിയ പ്രതി, കഴിഞ്ഞദിവസം രാത്രി യുവതിയെ ചിത്രങ്ങൾ കാണിച്ച് ഭീഷണിപ്പെടുത്തി താമസസ്ഥലത്തേക്ക് വിളിച്ചുവരുത്തുകയായിരുന്നു. തുടർന്നുണ്ടായ തർക്കത്തിനിടെ വാക്കത്തി കൊണ്ട് വെട്ടുകയായിരുന്നുവെന്ന് പോലീസ് പറഞ്ഞു.
ALSO READ- സിനിമാ-സീരിയൽ താരം അപർണ നായർ വീട്ടിൽ മരിച്ചനിലയിൽ; അസ്വഭാവിക മരണത്തിന് കേസെടുത്ത് പോലീസ്
സംഭവത്തിനുശേഷം മുങ്ങിയ പ്രതിയെ മുണ്ടക്കയം പോലീസാണ് അറസ്റ്റുചെയ്തത്. ഇയാൾക്കെതിരേ കട്ടപ്പന പോലീസ് സ്റ്റേഷനിൽ പോക്സോ കേസ് ഉണ്ടെന്നും പോലീസ് പറഞ്ഞു. പ്രതിയെ കോടതി റിമാൻഡ് ചെയ്തു.
Discussion about this post