ആലപ്പുഴ: കഥകളി നടന് ആര്എല്വി രഘുനാഥ് മഹിപാല് (25) കഥകളിക്കിടെ കുഴഞ്ഞുവീണു മരിച്ചു. ചേര്ത്തല മരുത്തോര്വട്ടം ധന്വന്തരി മഹാക്ഷേത്രത്തിലെ കഥകളിയില് പങ്കെടുക്കുന്നതിനിടെയാണ് കുഴഞ്ഞുവീണത്.
ഞായറാഴ്ച രാത്രിയോടെയാണ് സംഭവം. കഥകളിയുടെ പുറപ്പാടില് പങ്കെടുത്ത ശേഷം ഗുരുദക്ഷിണ കഥയിലെ വസുദേവരുടെ വേഷം അരങ്ങില് അവതരിപ്പിക്കുന്നതിനിടെ രഘുനാഥ് മഹിപാലിന് ദേഹാസ്വാസ്ഥ്യം അനുഭവപ്പെട്ടു. ഉടന് ചേര്ത്തലയിലെ സ്വകാര്യ ആശുപത്രിയില് എത്തിച്ചെങ്കിലും അല്പസമയത്തിനുള്ളില് മരിച്ചു.
Discussion about this post