കൊല്ലം: കരുനാഗപ്പള്ളിയില് മദ്യം നല്കി വിദേശ വനിതയെ പീഡിപ്പിച്ച സംഭവത്തില് 2 പേര് അറസ്റ്റില്. ചെറിയഴീക്കല് സ്വദേശികളായ നിഖില്, ജയന് എന്നിവരാണ് പോലീസിന്റെ പിടിയിലായത്. കരുനാഗപ്പള്ളി പോലീസാണ് പ്രതികളെ പിടികൂടിയത്. വള്ളിക്കാവ് അമൃതപുരിയില് അമേരിക്കയില് നിന്ന് എത്തിയ 44 കാരിയാണ് പീഡനത്തിന് ഇരയായത്.
മദ്യം നല്കി ആളൊഴിഞ്ഞ വീട്ടില് എത്തിച്ച ശേഷമായിരുന്നു യുവതിയെ പീഡിപ്പിച്ചത്. ആശ്രമത്തിനു സമീപമുള്ള ബീച്ചില് വിശ്രമിക്കുകയായിരുന്ന യുവതിയുടെ സമീപത്തെത്തിയ പ്രതികള്, സൗഹൃദം സ്ഥാപിച്ച ശേഷം സിഗരറ്റ് നല്കി. വേണ്ടെന്ന് പറഞ്ഞപ്പോള് മദ്യക്കുപ്പി കാട്ടി മദ്യം തരാം എന്ന് പറഞ്ഞ് പ്രലോഭിപ്പിച്ച് ഒരു ബൈക്കില് കയറ്റുകയായിരുന്നു.
പിന്നീട് ആളൊഴിഞ്ഞ വീട്ടില് കൊണ്ടുപോയി മദ്യം നല്കിയ ശേഷമാണ് പീഡിപ്പിച്ചത്. അമിതമായ മദ്യം കഴിച്ചതിനാല് യുവതിക്ക് ബോധം നഷ്ടപ്പെട്ടു പോയിരുന്നു. പിന്നീട് ആശ്രമത്തിലെത്തിയ സ്ത്രീ ഇവിടുത്തെ അധികൃതരോട് പീഡിപ്പിക്കപ്പെട്ട വിവരം പറയുകയായിരുന്നു. ആശ്രമം അധികൃതരാണ് വിവരം പോലീസിനെ അറിയിച്ചത്.
Discussion about this post