ഇടുക്കി: മുല്ലപ്പെരിയാറില് മഴ പെയ്യാനായി പ്രാര്ഥനയുമായി തമിഴ്നാട്ടിലെ കര്ഷകര്.
കേരളത്തില് വര്ഷകാലമായിട്ടും മഴ കുറവായതോടെയാണ് കര്ഷകര് പ്രാര്ഥനയുമായി എത്തിയത്. മുല്ലപ്പെരിയാറില് നിന്ന് തമിഴ്നാട്ടിലേക്ക് വെള്ളം കടത്തി വിടുന്ന തേക്കടി ഷട്ടറിലായിരുന്നു പ്രാര്ഥന. വിവിധ മതാചാരപ്രകാരമായിരുന്നു ചടങ്ങ്.
അതേസമയം, സംസ്ഥാനത്ത് അടുത്ത മൂന്ന് ദിവസം ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥവകുപ്പ് മുന്നറിയിപ്പ് നല്കി. നാളെ മുതല് 27-ാം തീയതി വരെ വിവിധ ജില്ലകളില് മഞ്ഞ അലര്ട്ടും കാലാവസ്ഥ വകുപ്പ് പ്രഖ്യാപിച്ചിട്ടുണ്ട്.
നാളെ ആലപ്പുഴ, എറണാകുളം, തൃശൂര്, കോഴിക്കോട് ജില്ലകളിലാണ് യെല്ലോ അലര്ട്ട്. 26ന് എറണാകുളം, കണ്ണൂര് ജില്ലകളിലും 27ന് ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 27ന് ഇടുക്കി ജില്ലയില് മഞ്ഞ അലര്ട്ട് ആണ് പ്രവചിച്ചിരിക്കുന്നതെങ്കിലും ഓറഞ്ച് അലര്ട്ടിന് സമാനമായ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കി.
Discussion about this post