കോഴിക്കോട്: കാറും സ്കൂട്ടറും കൂട്ടിയിടിച്ച് അച്ഛനും മകനും ദാരുണാന്ത്യം. എലത്തൂര് കോരപ്പുഴ പാലത്തില് വെച്ചാണ് അപകടം. വെസ്റ്റ്ഹില് സ്വദേശി അതുല് (24), മകന് അന്വിഖ് (1) എന്നിവരാണ് മരിച്ചത്. അതുലിന്റെ ഭാര്യ മായയെ ആശുപത്രിയല് പ്രവേശിപ്പിച്ചിരിക്കുകയാണ്.
കെ മുരളീധരന് എംപിയുടെ ഡ്രൈവറാണ് മരിച്ച അതുല്. കഴിഞ്ഞ ദിവസം അര്ദ്ധരാത്രി 12.30 ഓടേയാണ് സംഭവം. കൊയിലാണ്ടിയിലുള്ള ബന്ധുവിന്റെ ഗൃഹപ്രവേശനത്തില് പങ്കെടുത്ത് ബൈക്കില് വീട്ടിലേക്ക് മടങ്ങുകയായിരുന്നു അതുലും കുടുംബവും.
ഇവരുടെ ബൈക്ക് കൊയിലാണ്ടി ഭാഗത്തേയ്ക്ക് പോകുകയായിരുന്ന കാറുമായാണ് കൂട്ടിയിടിച്ചത്. കാറിലെ നാലുപേര് അടക്കം ആറുപേര്ക്കാണ് പരിക്കേറ്റത്. ഇവരെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഇടിയുടെ ആഘാതത്തില് സ്കൂട്ടര് ഒരു ഭാഗത്തേയ്ക്ക് തെറിച്ചുപോകുകയായിരുന്നു. കാറിനും സാരമായി കേടുപാടുകള് സംഭവിച്ചിട്ടുണ്ട്. അതേസമയം, പരിക്കേറ്റവര് അപകടനില തരണം ചെയ്തു എന്നാണ് റിപ്പോര്ട്ടുകള്. അതുലിന്റെയും മകന്റെയും വിയോഗം നാടിനെ ഒന്നടങ്കം വേദനയിലാഴ്ത്തുകയാണ്.
Discussion about this post