തിരുവനന്തപുരം: യുവജന കമ്മീഷന് മുന് അദ്ധ്യക്ഷ ചിന്ത ജെറോമിന്റെ കാറ് മണ്ണില് പൂഴ്ന്നപ്പോള് ‘പഴയ ഡ്രൈവിംഗ് സ്കില്’ പുറത്തെടുത്ത് സഹായിച്ച് മന്ത്രി സജി ചെറിയാന്. ചിറയിന്കീഴ് ഭാഗത്തെ തീരസദസ് പരിപാടി കഴിഞ്ഞ് മടങ്ങുന്ന വഴിയാണ് ചിന്തയുടെ കാര് പൂഴിമണലില് താഴ്ന്നത്.
മന്ത്രി തന്നെയാണ് ഇതിന്റെ വീഡിയോ ഫേസ്ബുക്കില് പങ്കുവെച്ചത്. ‘ഒന്നും നോക്കിയില്ല, പഴയ ഡ്രൈവിങ് സ്കില് ഒക്കെ പുറത്തെടുത്തു…’ എന്ന ക്യാപ്ഷനോടെയാണ് മന്ത്രി വീഡിയോ പങ്കുവെച്ചത്.
വെട്ടുകാട് വെച്ചാണ് ചിന്തയുടെ കാര് മണലില് താഴ്ന്നുപോയതായി മന്ത്രി കണ്ടത്. ഉടന് സജി ചെറിയാന് ഡ്രൈവിംഗ് സീറ്റിലേക്ക് കയറി ഒരു ശ്രമം നടത്തുകയായിരുന്നു. മന്ത്രി വണ്ടി ആദ്യം പുറകോട്ട് എടുത്തു. കൂടെ നിന്നവരും വണ്ടി തള്ളി സഹായിച്ചു.
എന്നാല് മുന്നോട്ട് വീണ്ടുമെടുത്തപ്പോള് വണ്ടി മണ്ണില് കുടുങ്ങി. ഒടുവില് കുറച്ചുമണ്ണും കല്ലും മുന്വശത്തെ ടയര്ഭാഗത്ത് കൊണ്ടിടാന് മന്ത്രിയുടെ നിര്ദേശം. ഒടുവില് ഫസ്റ്റിലിട്ട് നിഷ്പ്രയാസം മന്ത്രി തന്നെ മുന്നോട്ടു കയറ്റുകയായിരുന്നു.
Discussion about this post