കൊച്ചി: കഴിഞ്ഞദിവസം നിർമ്മാതാക്കളുടെ സംഘടനയും അമ്മ ഭാരവാഹികളും ചേർന്ന കൊച്ചിയിലെ യോഗത്തിൽ വെച്ച് നടന്മാരായ ശ്രീനാഥ് ഭാസിയോടും ഷെയ്ൻ നിഗത്തിനോടും സഹകരിക്കേണ്ടെന്ന് തീരുമാനിച്ചിരുന്നു.
ഷൂട്ടിംഗ് സെറ്റിലെ സ്ഥിരം പ്രശ്നക്കാരാണ് ഈ രണ്ട് താരങ്ങളെന്നും നിരവധി പരാതികൾ ലഭിച്ചതോടെയാണ് താരങ്ങൾക്ക് നേരെ നടപടിയെന്നും നിർമ്മാതാവ് രഞ്ജിത്ത് പ്രതികരിച്ചിരുന്നു. നേരത്തെയും നിരവധി പരാതികൾ ഇവർക്കെതിരെ ഉയർന്നിരുന്നു ഈ പഷ്ചാത്തലത്തിലായിരുന്നു തീരുമാനം.
ഇപ്പോഴിതാ വിലക്ക് ലഭിച്ച് നടൻ ശ്രീനാഥ് ഭാസി മുൻപ് നൽകിയ അഭിമുഖത്തിലെ വാക്കുകളാണ് വീണ്ടും സോഷ്യൽമീഡിയയിൽ പ്രചരിക്കുന്നത്. അന്ന് നൽകിയ അഭിമുഖത്തിലെ താരത്തിന്റെ വാക്കുകൾ ഇങ്ങനെയാണ്: ‘എനിക്കിപ്പോൾ പേടിയാണ് ഇൻറർവ്യൂ കൊടുക്കാൻ. കാരണം ആളുകൾ എന്തെങ്കിലും പറയുമ്പോൾ ഞാൻ എന്തെങ്കിലും പറയും. അതൊക്കെ വല്ലാതെ ബാധിക്കും. അങ്ങനെയൊരു സിറ്റുവേഷനിൽ പോകാതിരിക്കാനാണ് ഞാൻ ശ്രമിക്കുന്നത്.’
ALSO READ- ജയരാജേട്ടാ നിങ്ങൾക്കും നിറയെ ഉമ്മകൾ; സൈബർ സഖാക്കളെ, മൂപ്പരെ സംഘിയാക്കരുതെ: ഹരീഷ് പേരടി
‘ആളുകൾക്ക് ഇരുന്ന് കമന്റ് ചെയ്യാൻ എളുപ്പമാണ്. എന്നാൽ ഏത് അവസരത്തിൽ എന്ത് അവസ്ഥയിൽ ആ സംഭവം ഉണ്ടായി എനിക്ക് അവർ നോക്കില്ല. ഇതിന്റെ സത്യാവസ്ഥ എന്താണെന്ന് ആരും അന്വേഷിക്കില്ല .എന്നെ പരിപാടിക്ക് വിളിച്ച ആളോട് സുഖമില്ല അസൗകര്യം ഉണ്ട് എന്ന് പറഞ്ഞപ്പോൾ നടക്കില്ല ഭാസി നീ വന്നില്ലെങ്കിൽ നിനക്കിട്ട് പണിയുമെന്നാണ് അവർ പറയുന്നത്. അത് നടക്കില്ല ഞാൻ കഷ്ടപ്പെട്ട് തന്നെ പണിയെടുക്കും.’
‘ഞാൻ ഇനിയും സിനിമകളിൽ അഭിനയിക്കും. എനിക്ക് പറ്റുന്ന പോലെ ചെയ്യും.ഇല്ലെങ്കിൽ ഞാൻ വല്ല വാർക്ക പണിക്കും പോകും’- എന്ന് താരം പറയുന്നുണ്ട്.
Discussion about this post