ഹരിപ്പാട്: ആലപ്പുഴയില് ബൈക്കുകള് കൂട്ടിയിടിച്ചുണ്ടായ അപകടത്തില് യുവാവിന് ദാരുണാന്ത്യം. മുട്ടം കണിച്ചനെല്ലൂര് കൊച്ചു തറയില് ഉണ്ണിയുടെ മകന് അരുണ് കൃഷ്ണന് (കുട്ടു)ആണ് മരിച്ചത്. ഇരുപത്തിയൊന്ന് വയസ്സായിരുന്നു. അപകടത്തില് രണ്ട് പേര്ക്ക് പരിക്കേറ്റു.
അരുണിന്റെ കൂടെ ബൈക്കില് യാത്ര ചെയ്തിരുന്ന മുട്ടം ചിറയില് വീട്ടില് സച്ചു (17),കൂട്ടിയിടിച്ച ബൈക്കിലെ യാത്രക്കാരനായ പെരളശ്ശേരില് ധനഞ്ജന് (67) എന്നിവര്ക്കാണ് പരിക്കേറ്റത്. ഞായറാഴ്ച ഉച്ചയ്ക്ക് 12 മണിയോടെയാണ് അപകടം.
also read: ഉടമ കൈമാറാന് തയ്യാറായാല് സര്ക്കാര് വില നല്കി ‘വരദ’ഏറ്റെടുക്കും; മുഖ്യമന്ത്രി
മുട്ടം കായംകുളം റോഡില് വാതല്ലൂര് ജംഗ്ഷന് സമീപമാണ് അപകടം നടന്നത്. മുട്ടത്ത് നിന്ന് എവൂര് ഭാഗത്തേക്ക് പോകുകയായിരുന്ന ബൈക്ക് എതിരെ വന്ന ബൈക്കുമായി കൂട്ടിയിടിച്ച് നിയന്ത്രണം തെറ്റി വൈദ്യുത പോസ്റ്റില് ഇടിച്ച ശേഷം സമീപത്തെ മുള്ളുവേലിയിലേക്ക് ഇടിച്ചുകയറുകയായിരുന്നു.
സംഭവസ്ഥലത്ത് വെച്ചുതന്നെ അരുണ് കൃഷ്ണന് മരിച്ചു. പരിക്കേറ്റ രണ്ടുപേരെയും ഉടന്തന്നെ ഹരിപ്പാട് താലൂക്ക് ആശുപത്രിയില് പ്രവേശിപ്പിച്ചു. കാലിന് ഗുരുതര പരിക്കേറ്റ സച്ചുവിനെ വിദഗ്ധ ചികിത്സയ്ക്കായി ആദ്യം വണ്ടാനം മെഡിക്കല് കോളേജിലും പിന്നീട് കോട്ടയം മെഡിക്കല് കോളേജിലേക്ക് മാറ്റുകയും ചെയ്തു.
Discussion about this post