ഇടുക്കി: ജലനിരപ്പ് പരമാവധി സംഭരണശേഷിയില് എത്തിയതോടെ മുല്ലപ്പെരിയാര് അണക്കെട്ടിന്റെ രണ്ടു ഷട്ടറുകള് തുറന്നു. 772 ഘനയടി വെള്ളമാണ് പെരിയാറിലേയ്ക്ക് ഒഴുകിയെത്തുക. അണക്കെട്ടിലെ ജലനിരപ്പ് 141 അടിയിലേക്ക് എത്തിയ സാഹചര്യത്തിലാണ് രാവിലെ എട്ടുമണിയോടെ ഡാം തുറന്നത്. അതേസമയം, വൃഷ്ടി പ്രദേശത്ത് മഴ തുടരുന്ന സാഹചര്യത്തില് ഇടുക്കി ചെറുതോണി അണക്കെട്ട് ഷട്ടറും തുറക്കും.
പത്തുമണിയോടെയാണ് ചെറുതോണി അണക്കെട്ട് തുറക്കുക. ഇന്നലെ രാത്രി കല്ലാര് അണക്കെട്ടും തുറന്നിരുന്നു. നിലവില് മഴ മാറിനില്ക്കുകയാണെങ്കിലും ഹൈറേഞ്ച് ഉള്പ്പെടെയുള്ള മേഖലകളില് ഇന്നലെ രാത്രി ശക്തമായ മഴയാണ് ലഭിച്ചത്. രാത്രി 12 മണിവരെയും തുടര്ച്ചയായി മഴ പെയ്തിരുന്നു. ഇതിനു പിന്നാലെയാണ് മുല്ലപ്പെരിയാറിലെയും ഇടുക്കിയിലെയും ജലനിരപ്പ് വര്ധിച്ചത്.
Discussion about this post