ഇടുക്കി: കൂടുതല് മക്കളുള്ള കുടുംബത്തിന് മാര് മാത്യു ആനിക്കുഴിക്കാട്ടില് സ്കോളര്ഷിപ്പുമായി ഇടുക്കി കുഞ്ചിത്തണ്ണി ഹോളി ഫാമിലി പബ്ലിക് സ്കൂള്. മൂന്നാമത്തെ കുട്ടിയ്ക്ക് പകുതി ഫീസ് നല്കിയാല് മതി. നാലാമത്തേത് മുതലുള്ള കുട്ടികള്ക്ക് സൗജന്യ പഠനവും നല്കും.
ഇടുക്കി രൂപതയിലെ കുഞ്ചിത്തണ്ണി ഹോളിഫാമിലി പള്ളിയുടെ പള്ളിയുടേതാണ് സ്കൂള്. സ്കൂള് മാനേജ്മെന്റാണ് തീരുമാനം പ്രഖ്യാപിച്ചത്.
കൂടുതല് മക്കളുള്ളവര്ക്ക് പാലാ രൂപത പ്രഖ്യാപിച്ച ആനുകൂല്യങ്ങളുടെ തുടര്ച്ചയായിട്ടാണ് തീരുമാനമെന്നും ഈ വര്ഷം മുതല് യോഗ്യരായവര്ക്ക് ഈ ആനുകൂല്യം ലഭിയ്ക്കുമെന്നും മാനേജര് ഫാ. സെബാസ്റ്റ്യന് കൊച്ചുപുരക്കല് അറിയിച്ചു.
അഞ്ചില് കൂടുതല് കുട്ടികളുണ്ടെങ്കില് കുടുംബത്തിന് ധനസഹായവും സ്കോളര്ഷിപ്പും നല്കുമെന്നാണ് സിറോ മലബാര് സഭയ്ക്ക് കീഴിലെ പാലാ രൂപത ഇന്നലെ പ്രഖ്യാപിച്ചത്. 2000-ത്തിന് ശേഷം വിവാഹിതരായ അഞ്ചു കുട്ടികളില് കൂടുതല് ഉള്ള കുടുംബത്തിന് പ്രതിമാസം 1500 രൂപ സാമ്പത്തിക സഹായം നല്കും. ഒരു കുടുംബത്തില് നാലാമതായും തുടര്ന്നും ജനിക്കുന്ന കുട്ടികള്ക്ക് പാലായിലെ സെന്റ് ജോസഫ് കോളേജ് ഓഫ് എന്ജിനീയറിംഗ് ആന്ഡ് ടെക്നോളജിയില് സ്കോളര്ഷിപ്പോടെ പഠനം ലഭിക്കും.
ഒരു കുടുംബത്തില് നാല് മുതലുള്ള കുട്ടികളുടെ ജനനവുമായി ബന്ധപ്പെട്ട ആശുപത്രി സൗകര്യങ്ങള് രൂപതയ്ക്ക് കീഴിലെ മാര് സ്ലീവ മെഡിസിറ്റി സൗജന്യമായി നല്കും.
Discussion about this post