തിരുവനന്തപുരം: അനധികൃതമായി ലോറിയില് കടത്തിക്കൊണ്ട് പോയ 2,400 ലിറ്റര് മണ്ണെണ്ണ പോലീസ് പിടികൂടി. എറണാകുളം സ്വദേശികളായ ബൈജു, അമല് എന്നിവരാണ് പോലീസ് പിടിയിലായത്. കഴിഞ്ഞ രാത്രി ബൈപ്പാസ് റോഡില് തിരുവല്ലത്തിന് സമീപം വച്ചാണ് മണ്ണെണ്ണ കയറ്റിവന്ന ലോറി പോലീസ് പിടിച്ചെടുത്തത്. വിഴിഞ്ഞത്ത് നിന്നും എറണാകുളത്തേക്ക് കൊണ്ടു പോകുകയായിരുന്ന മണ്ണെണ്ണയാണ് പോലീസ് പിടിയത്.
പതിനൊന്ന് ബാരലുകളിലായാണ് മണ്ണെണ്ണ സൂക്ഷിച്ചിരുന്നത്. മത്സ്യത്തൊഴിലാളികള്ക്ക് സബ്സിഡി നിരക്കില് കൊടുക്കാനുള്ള മണ്ണെണ്ണ മറിച്ച് വില്ക്കുകയായിരുന്നുവെന്ന് പോലീസ് കണ്ടെത്തിയിട്ടുണ്ട്. കസ്റ്റഡിയിലുള്ളവരെ പോലീസ് വിശദമായി ചോദ്യം ചെയ്തു വരികയാണ്.
Discussion about this post