പത്തനംതിട്ട: ബിന്ദു അമ്മിണി എന്ന പേര് കേരളം കൂടുതല് അറിയുന്നത് ശബരിമല സ്ത്രീപ്രവേശന വിഷയവുമായി ബന്ധപ്പെട്ടാണ്. ശബരിമലയില് ദര്ശനം നടത്തിയതോടെ വധഭീഷണികള് വരെ ഇവര്ക്ക് നേരിടേണ്ടി വന്നിരുന്നു. ദളിത്, വനിതാ അവകാശ പ്രവര്ത്തകയായ ബിന്ദു കണ്ണൂര് സര്വ്വകലാശാലയ്ക്ക് കീഴിലുള്ള സ്കൂള് ഓഫ് ലീഗല് സ്റ്റഡീസില് അദ്ധ്യാപിക കൂടിയാണ് ബിന്ദു അമ്മിണി.
ശബരിമല ദര്ശനത്തിന് പിന്നാലെ ബിജെപിയുടെയും ശബരിമല കര്മ്മസമിതിയുടെയും നേതൃത്വത്തില് കേരളത്തില് ജനുവരി 3-ന് ഹര്ത്താലും അങ്ങോളമിങ്ങോളം പ്രതിഷേധങ്ങളും അക്രമങ്ങളും നടന്നു. നിരവധി പേരാണ് ബിന്ദു അമ്മിണിക്കും ഒപ്പമുണ്ടായിരുന്ന കനകദുര്ഗയ്ക്കുമെതിരെ പ്രതിഷേധവുമായി രംഗത്തെത്തിയത്.
ഇന്ന് വീണ്ടും ശബരിമല വിഷയവുമായി ബന്ധപ്പെട്ട പോസ്റ്റുമായെത്തിയിരിക്കുകയാണ് ബിന്ദു. പത്തനംതിട്ടയില് കാലെടുത്തു വച്ചാല് ആസിഡ് ഒഴിച്ച് കത്തിക്കുമെന്നും മറ്റും ഭീഷണി മുഴക്കിയ ദിലീപ് വേണുഗോപാല്ലിനു സമര്പ്പിക്കുന്നു. ഇത് പത്തനംതിട്ടയില് നിന്നുള്ളതാണ്- എന്ന് ബിന്ദു അമ്മിണി ഫേസ്ബുക്കില് കുറിച്ചു
Discussion about this post