തൊടുപുഴ: ഇടുക്കി ഡാമില് ബ്ലൂ അലര്ട്ട് പ്രഖ്യാപിച്ചു. ശക്തമായ നീരൊഴുക്ക് തുടരുന്ന സാഹചര്യത്തിലാണ് ബ്ലൂ അലര്ട്ട് പ്രഖ്യാപിച്ചത്. രാവിലെ 10 മണിക്ക് ജലനിരപ്പ് 2388.08 അടിയായി. 7 അടി കൂടി വെള്ളം ഉയര്ന്നാല് റെഡ് അലര്ട്ട് പ്രഖ്യാപിക്കും.
ജലനിരപ്പ് 2395.98 അടി ആകുമ്പോള് ഡാം തുറക്കുമെന്ന് അധികൃതര് അറിയിച്ചു. ജലനിരപ്പ് ക്രമീകരിക്കാന് മൂലമറ്റത്ത് വൈദ്യുത ഉല്പാദനം വര്ധിപ്പിച്ചിട്ടുണ്ട്. ഇതിനിടെ പത്തനംതിട്ടയിലെ കക്കി-ആനത്തോട് അണക്കെട്ടുകളുടെ രണ്ടു ഷട്ടറുകള് തുറന്നു.
ഡാമിന്റെ രണ്ടു ഷട്ടറുകള് 25 സെന്റീമീറ്റര് വീതമാണ് ഉയര്ത്തി അധികജലം പമ്പാ നദിയിലേക്ക് ഒഴുക്കി വിടുന്നത്. ഷട്ടറുകള് ഉയര്ത്തിയതു മൂലം പമ്പയാറിലെ ജലനിരപ്പ് 10 സെന്റീമീറ്റര് ഉയര്ന്നേക്കാമെന്നുള്ള സാഹചര്യത്തില് നദിയുടെ തീരത്ത് താമസിക്കുന്നവരും പൊതുജനങ്ങളും സുരക്ഷ ഉറപ്പുവരുത്തണം.
നദിയില് ഇറങ്ങുന്നത് ഒഴിവാക്കണമെന്നും ജനങ്ങള് കര്ശനമായി ജാഗ്രത പാലിക്കണമെന്നും ജില്ലാ കലക്ടര് പി ബി നൂഹ് മുന്നറിയിപ്പ് നല്കിയിട്ടുണ്ട്.
Discussion about this post