തിരുവനന്തപുരം: കെഎസ്യു സംസ്ഥാന പ്രസിഡന്റ് കെഎം അഭിജിത്ത് വ്യാജ പേരില് കൊവിഡ് പരിശോധന നടത്തിയ സംഭവത്തില് വിമര്ശനവുമായി ഡിവൈഎഫ്ഐ ദേശീയ വൈസ് പ്രസിഡന്റ് പി എ മുഹമ്മദ് റിയാസ്. വ്യാജ പേരില് കൊവിഡ് പരിശോധന നടത്തിയ സംഭവത്തില് പ്രധാന പ്രതി കോണ്ഗ്രസാണെന്ന് മുഹമ്മദ് റിയാസ് പറഞ്ഞു. കെഎസ്യു നേതാവിനെ തിരുത്താനോ ശാസിക്കാനോ കോണ്ഗ്രസ് നേതൃത്വത്തിനാവില്ല, കാരണം അടവ് പഠിപ്പിച്ച ആശാന് ശിഷ്യനെ തള്ളിപ്പറയാനാകില്ലല്ലോ എന്നും റിയാസ് പറഞ്ഞു. ഫേസ്ബുക്കില് എഴുതിയ കുറിപ്പിലായിരുന്നു റിയാസിന്റെ വിമര്ശനം.
ഇത്തവണ കോണ്ഗ്രസിന് ഭരണം കിട്ടിയില്ലെങ്കില് പാര്ട്ടി ഉണ്ടാകില്ലെന്നും അതുകൊണ്ട് കൊവിഡ് പ്രോട്ടോക്കോള് ഒന്നും പാലിക്കാതെ സമരാഭാസങ്ങള് നടത്തു എന്ന് പറഞ്ഞ് പഠിപ്പിച്ച് കൊടുക്കുന്ന കോണ്ഗ്രസ് നേതൃത്വമാണ് ഇതില് പ്രധാന പ്രതി. കെഎസ്യു നേതാവിനെ മാത്രം കുറ്റം പറയാനാകുമോ? എംപിമാരുടേയും എംഎല്എമാരുടേയും നേതൃത്വത്തില് നടത്തിയ വാളയാര് സമരാഭാസം കണ്ടാണല്ലോ ഇവരൊക്കെ പഠിക്കുന്നതെന്നും റിയാസ് പറഞ്ഞു.
ഫേസ്ബുക്ക് പോസറ്റ്:
‘അടവ് പഠിപ്പിച്ച ആശാന് ശിഷ്യനെ തള്ളിപ്പറയാനാകുമോ ?’KSU നേതാവിനെ മാത്രം കുറ്റം പറയാനാകുമോ?ഇത്തവണ കോണ്ഗ്രസിന് ഭരണം കിട്ടിയില്ലെങ്കില് പാര്ട്ടി ഉണ്ടാകില്ലെന്നും അതുകൊണ്ട് കോവിഡ് പ്രോട്ടോക്കോള് ഒന്നും പാലിക്കാതെ സമരാഭാസങ്ങള് നടത്തു എന്ന് പറഞ്ഞു പഠിപ്പിച്ച് കൊടുക്കുന്ന കോണ്ഗ്രസ് നേതൃത്വമല്ലേ ഇതില് പ്രധാന പ്രതി ?
‘ഇതിപ്പോള് ഒരു സംഭവം കയ്യോടെ പിടിച്ചു. പിടിക്കപ്പെടാതെ പോയ ആള്മാറാട്ടങ്ങള്;ആള്മാറാട്ട വീരന്മാര് പിന്നീട് നയിച്ച സമരങ്ങള്;ആ സമാരങ്ങളിലൂടെ പോലീസിലും മാധ്യമ പ്രവര്ത്തകരിലും നാട്ടുകാരിലും, സമരാംഗങ്ങളിലും പടര്ന്ന കോവിഡും.ഇതായിരിക്കും ഏതൊരു മലയാളിയുടെയും ഉറക്കം കെടുത്തുന്ന ചിന്ത.KSU നേതാവിനെ മാത്രം കുറ്റം പറയാനാകുമോ?
MPമാരുടേയും MLAമാരുടേയും നേതൃത്വത്തില് നടത്തിയ വാളയാര് സമരാഭാസം കണ്ടാണല്ലോ ഇവരൊക്കെ പഠിക്കുന്നത്?കോണ്ഗ്രസ്സിന്റെ പോഷക സംഘടനയായ KSU വിന്റെ നേതാവിനെ തിരുത്താനോ ശാസിക്കാനോ കോണ്ഗ്രസ് നേതൃത്വത്തിനാവില്ല.കാരണം അടവ് പഠിപ്പിച്ച ആശാന് ശിഷ്യനെ തള്ളിപ്പറയാനാകില്ലല്ലോ.വാളയാര് സമാരാഭാസ സമയത്ത് പറഞ്ഞ വാക്കുകള് നിങ്ങള്ക്ക് വല്ലാതെ കൊണ്ടു എന്നത് കൊണ്ട് ആവര്ത്തിക്കുന്നില്ല.
അതുകൊണ്ട് മറ്റൊന്ന് പറയട്ടേ.കോണ്ഗ്രസ് നേതൃത്വമേ,കണ്ണാടി നോക്കിയെങ്കിലും’Iam Sorry’എന്ന് പറയാന് ശ്രമിക്കൂ..
– പി എ മുഹമ്മദ് റിയാസ് –
Discussion about this post