തിരുവനന്തപുരം: അസുഖം ഏറെ ഭേദമായിട്ടുണ്ടെന്ന് കൊവിഡ് ബാധിച്ച് ചികിത്സയില് കഴിയുന്ന മന്ത്രി തോമസ് ഐസക്. ഫേസ്ബക്ക് പോസ്റ്റിലൂടെയാണ് മന്ത്രി തന്റെ ആരോഗ്യവിവരങ്ങള് അറിയിച്ചത്. ഡയബറ്റിക്സ് അല്പം കൂടുതലാണെന്നും ആദ്യമായി ഇന്സുലിന് വേണ്ടിവന്നുവെന്നും ചെറിയ ശ്വാസം മുട്ടലുണ്ടെന്നും മന്ത്രി കൂട്ടിച്ചേര്ത്തു. ഞായറാഴ്ചയാണ് മന്ത്രിക്ക് കൊവിഡ് സ്ഥിരീകരിച്ചത്.
മന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം,
ആരോഗ്യസ്ഥിതി അറിയാനും ക്ഷേമാശംസകള് നേരാനുമായി ധാരാളം സുഹൃത്തുക്കള് ട്വിറ്ററിലൂടെയും ഫോണിലൂടെയും ബന്ധപ്പെടുന്നുണ്ട്. അസുഖം ഏറെ ഭേദമായിട്ടുണ്ട്. രണ്ടു പ്രശ്നങ്ങള് പൊതുവായിട്ടുണ്ട്. ഡയബറ്റിക്സ് അല്പം കൂടുതലാണ്. ആദ്യമായി ഇന്സുലിന് വേണ്ടിവന്നു. ചെറിയ ശ്വാസം മുട്ടലുണ്ട്. അതുകൊണ്ട് ഫോണ് വിളികള് കര്ശനമായി നിയന്ത്രിച്ചിരിക്കുകയാണ്. ദയവായി ഫോണ് ഒഴിവാക്കുക. എടുക്കാന് കഴിയില്ല. അത്യാവശ്യമെന്തെങ്കിലുമുണ്ടെങ്കില് മെസേജ് അയച്ചാല് മതി. തീര്ച്ചയായും മറുപടി ലഭിക്കും. നടപടിയും ഉറപ്പാക്കും.
Discussion about this post