കൊച്ചി: ലോക്ക് ഡൗണില് കുടുങ്ങി നാട്ടിലേയ്ക്ക് തിരികെ പോകുവാന് കഴിയുന്നില്ലെന്നതിന്റെ മനോവിഷമത്താല് അതിഥി തൊഴിലാളി ജീവനൊടുക്കി. പശ്ചിമബംഗാളില് നിന്നുള്ള 17കാരനായ അതിഥി തൊഴിലാളിയാണ് ജീവനൊടുക്കിയത്. എറണാകുളത്താണ് സംഭവം. മുര്ഷിദാബാദ് ജില്ലയിലെ സിറോപ്പാറ ഗ്രാമവാസിയായ ആസിഫ് ഇക്ബാല് എറണാകുളം ജില്ലയിലെ ഒരു ഇഷ്ടിക ചൂളയില് ജോലി ചെയ്യുകയായിരുന്നു.
രാജ്യത്ത് പ്രഖ്യാപിച്ചിരിക്കുന്ന ലോക് ഡൗണ് കാരണം നാട്ടിലേക്ക് തിരിച്ചുചെല്ലാന് സാധിക്കാത്തതില് ആസിഫ് അസ്വസ്ഥനായിരുന്നെന്ന് ഒപ്പം ജോലി ചെയ്യുന്നവര് പറഞ്ഞു. ലോക്ക് ഡൗണിനെക്കുറിച്ചും നാട്ടിലേക്ക് മടങ്ങാന് കഴിയാത്തതിനെക്കുറിച്ചും ഓര്ത്ത് അവന് വളരെ അസ്വസ്ഥനായിരുന്നു. പക്ഷേ, അവന് ആത്മഹത്യ ചെയ്യുമെന്ന് ഞങ്ങള് കരുതിയിരുന്നില്ല, ‘ ആസിഫിന്റെ ഒപ്പം ജോലി ചെയ്യുന്ന ഷെരീഫുല് ഇസ്ലാം പറഞ്ഞു. ഇരുവരും ഒരേ ഗ്രാമത്തിലാണ് താമസം.
ആസിഫ് വിഷാദത്തിലായിരുന്നെന്ന് പോലീസും പറയുന്നു. ലോക് ഡൗണിന് ശേഷം ആസിഫിന് ജോലിയില്ലായിരുന്നെന്ന് ആസിഫിന്റെ കൂടെ ജോലിചെയ്യുന്നവരെ ഉദ്ധരിച്ച് കോടനാട് സ്റ്റേഷനിലെ പോലീസ് പറഞ്ഞു.
Discussion about this post