തിരുവനന്തപുരം: സംസ്ഥാനത്ത് കൊറോണ വൈറസ് ബാധ സ്ഥിരീകരിച്ച സാഹചര്യത്തില് ജാഗ്രത പാലിക്കണമെന്ന് മുഖ്യമന്ത്രി പിണറായി വിജയന്. നിലവില് ആശങ്കപ്പെടേണ്ട സാഹചര്യമില്ലെന്നും, ആരോഗ്യവകുപ്പ് എല്ലാ നടപടികളും സ്വീകരിക്കുന്നുണ്ടെന്നും അദ്ദേഹം മാധ്യമങ്ങളോട് പറഞ്ഞു.
കൊറോണ വൈറസ് സ്ഥിരീകരിച്ച സംഭവം വളരെ ദൗര്ഭാഗ്യകരമാണ്. കേരളത്തില് നിന്നുള്ള കുറേപേര് രോഗബാധയുണ്ടായ പ്രദേശങ്ങളില് പോയിട്ടുണ്ട്. അതിനാല് ജാഗ്രത പാലിക്കണം. ആരോഗ്യവകുപ്പ് നേരത്തെ തന്നെ ജാഗ്രത നടപടികള് സ്വീകരിച്ചിരുന്നു. തുടര്നടപടികള് സ്വീകരിക്കുമെന്നും മുഖ്യമന്ത്രി പറഞ്ഞു. കൊറോണ വൈറസ് ബാധ സ്ഥിരീകരിച്ച സാഹചര്യത്തില് ആരും ഭീതി പരത്തരുതെന്നും ജാഗ്രത പാലിക്കുകയാണ് വേണ്ടതെന്നും അദ്ദേഹം ആവശ്യപ്പെട്ടു.
അതേസമയം, കൊറോണ വൈറസ് സ്ഥിരീകരിച്ച സാഹചര്യത്തില് ആരോഗ്യമന്ത്രി കെകെ ശൈലജ വ്യാഴാഴ്ച വൈകീട്ടോടെ തൃശ്ശൂരിലെത്തും. ജനറല് ആശുപത്രിയില് ഐസോലേഷന് വാര്ഡില് കഴിയുന്ന വിദ്യാര്ത്ഥിനിയെ മെഡിക്കല് കോളേജിലേക്ക് മാറ്റാനാണ് തീരുമാനം.
Discussion about this post