ആലപ്പുഴ: പൗരത്വ ഭേദഗതി നിയമവുമായി ബന്ധപ്പെട്ട് സര്വ്വകക്ഷിയോഗം വിളിച്ച മുഖ്യമന്ത്രി പിണറായി വിജയനെ പ്രശംസിച്ച് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ശബരിമല പ്രശ്നത്തില് മറുപക്ഷത്ത് നിന്നവരെ ഇന്ന് ഒരേ പക്ഷത്ത് നിര്ത്താന് പിണറായിക്ക് സാധിച്ചത് വലിയ കാര്യമാണെന്ന് വെള്ളാപ്പള്ളി പറഞ്ഞു.
പിണറായിയുടെ നേതൃത്വത്തില് പ്രതിപക്ഷം സമരത്തിനിറങ്ങിയത് പിണറായിയുടെ നേതൃഗുണത്തിന്റെയും ഭരണമികവിന്റെയും തെളിവാണ്.”അന്ന് ശബരിമല പ്രശ്നത്തില് അദ്ദേഹത്തിനെതിരെ നിന്നവരെ ഇന്ന് ഒരേ പക്ഷത്ത് നിര്ത്താന് പിണറായിക്ക് സാധിച്ചത് വലിയ കാര്യമാണ്. അന്ന് പിണറായിക്ക് ശനിദശയായിരുന്നെങ്കില് ഇപ്പോള് ശുക്രദശയാണെന്നും വെള്ളാപ്പള്ളി പറഞ്ഞു.
കെപിസിസി പ്രസിഡന്റൊഴികെ ബാക്കിയുള്ളവരെ പൗരത്വ ദേദഗതി നിയമവുമായി ബന്ധപ്പെട്ട് വിളിച്ച സര്വകക്ഷി യോഗത്തില് പങ്കെടുപ്പിക്കാന് പിണറായിക്ക് കഴിഞ്ഞു. കോണ്ഗ്രസ്സിനെ പിളര്ത്താന് പിണറായിക്ക് സാധിച്ചു. സര്വ്വകക്ഷി യോഗത്തില് പിണറായി മികച്ച സംഘാടകനായെന്നും വെള്ളാപ്പള്ളി നടേശന് പറഞ്ഞു. ‘കഴിഞ്ഞവര്ഷം ഇതേ സമയം അദ്ദേഹത്തെ കടിച്ചു കീറാന് വന്നവരാണ് ഇപ്പോള് അദ്ദേഹത്തോടൊപ്പം ഒരു കുടക്കീഴില് നില്ക്കുന്നതെന്നും വെള്ളാപ്പള്ളി പറഞ്ഞു.
Discussion about this post