കല്പ്പറ്റ: വയനാട് ജില്ലയില് വീണ്ടും മാവോയിസ്റ്റ് സാന്നിധ്യം. ജില്ലയിലെ മേപ്പാടി മുണ്ടക്കൈയിലാണ് മാവോയിസ്റ്റ് സാന്നിധ്യം കണ്ടെത്തിയത്. ഇന്നലെ രാത്രിയാണ് നഗരത്തിലും പരിസര പ്രദേശങ്ങളിലും മാവോയിസ്റ്റുകളെത്തിയത്.
മേപ്പാടി ടൗണിലും പരിസരപ്രദേശങ്ങളിലും ബാനറുകളും പോസ്റ്ററുകളും ഒട്ടിച്ചു. തോട്ടം തൊഴിലാളികളെ ചൂഷണം ചെയ്യുന്നതിനെതിരെ പ്രതികരിക്കണമെന്നാണ് മാവോയിസ്റ്റുകളുടെ ആഹ്വാനം.
തമിഴ് ഭാഷയിലാണ് പോസ്റ്ററുകള് പതിച്ചിരിക്കുന്നത്. എല്ലാം കൈ കൊണ്ടെഴുതിയ പോസ്റ്ററുകളാണ്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു. സ്ഥലത്ത് തെരച്ചില് തുടങ്ങി.
Discussion about this post