ഇടുക്കി; ശക്തമായ മഴയെത്തുടര്ന്ന് ഇടുക്കി അണക്കെട്ടുകളിലേക്കുള്ള നീരൊഴുക്ക് വര്ധിച്ചു.
ഇടുക്കി അണക്കെട്ടില് പൂര്ണ സംഭരണ ശേഷിയുടെ നാല്പത് ശതമാനം വെള്ളമാണുള്ളത്. മുല്ലപ്പെരിയാറില് ജലനിരപ്പ് 130 അടി പിന്നിട്ടു. 142 അടിയാണ് അണക്കെട്ടിന്റെ പൂര്ണ സംഭരണ ശേഷി. ജില്ലയിലെ പ്രധാനപ്പെട്ട ചെറിയ ഡാമുകള് തുറന്നിട്ടുണ്ട്.
സംസ്ഥാനത്ത് വടക്കന് ജില്ലകളിലും മധ്യകേരളത്തിലും ശക്തമായ മഴ തുടരുന്നു. മഴയെ തുടര്ന്ന് കാസര്കോട്, കണ്ണൂര്, വയനാട്, മലപ്പുറം, കോഴിക്കോട്, ഇടുക്കി ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചു. പ്രൊഫഷണല് കോളജ് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി. പാലക്കാട്ടെ അട്ടപ്പാടി മേഖലയിലും അവധി പ്രഖ്യാപിച്ചിട്ടുണ്ട്. ഇതിനിടെ വിവിധ ജില്ലകളിലായി അന്പതോളം കുടുംബങ്ങളെ മാറ്റി പാര്പ്പിച്ചു.
Discussion about this post