മധ്യപ്രദേശ്: കര്ണാടകയ്ക്ക് പിന്നാലെ മധ്യപ്രദേശിലെ കോണ്ഗ്രസ് സര്ക്കാറിനെ വീഴ്ത്തുമെന്ന് ഭീഷണി മുഴക്കിയ ബിജെപിയ്ക്ക് തിരിച്ചടി. രണ്ട് ബിജെപി എംഎല്എമാര് കമല്നാഥ് സര്ക്കാരിനെ അനുകൂലിച്ച് വോട്ട് ചെയ്തു. നിയമസഭയില് കോണ്ഗ്രസ് സര്ക്കാര് കൊണ്ടു വന്ന ക്രിമിനല് ഭേദഗതി ബില്ലിനെ അനുകൂലിച്ചാണ് രണ്ട് ബിജെപി എംഎല്എമാര് വോട്ടു ചെയ്തത്.
122 വോട്ടുകള് സര്ക്കാരിന് അനുകൂലമായി ലഭിച്ചപ്പോള് 108 വോട്ടാണ് ബിജെപിക്ക് ലഭിച്ചത്. തങ്ങള് ന്യൂനപക്ഷ സര്ക്കാരാണെന്നും എപ്പോള് വേണമെങ്കിലും താഴെ വീഴുമെന്നും എല്ലാ ദിവസവും ബിജെപി പറയാറുണ്ട്. പക്ഷെ ഇന്ന് സഭയില് രണ്ട് ബിജെപി എംഎല്എമാര് ഞങ്ങള്ക്ക് അനുകൂലമായി വോട്ടു ചെയ്തു. സര്ക്കാര് ന്യൂനപക്ഷ സര്ക്കാരല്ലെന്ന് തെളിയിച്ചിരിക്കുകയാണെന്ന് മുഖ്യമന്ത്രി കമല്നാഥ് പറഞ്ഞു. ബിജെപി എംഎല്എമാരായ നാരായണ് ത്രിപാഠി, ശരദ് കോള് എന്നിവരാണ് കോണ്ഗ്രസിന് അനുകൂലമായി വോട്ടു ചെയ്തത്.
ബിജെപിയിലെ നമ്പര് വണ്ണും, നമ്പര് ടൂവും ഞങ്ങള്ക്ക് അനുകൂലമായ സിഗ്നല് നല്കിയാല് മധ്യപ്രദേശിലെ കമല്നാഥ് സര്ക്കാരും 24 മണിക്കൂറിനുള്ളില് താഴെവീഴുമെന്ന് പ്രതിപക്ഷ നേതാവ് ഗോപാല് ഭാര്ഗവ ഇന്ന് ഭീഷണി മുഴക്കി മണിക്കൂറുകള്ക്ക് പിന്നാലെയായിരുന്നു രണ്ട് ബിജെപി എംഎല്എമാര് കോണ്ഗ്രസ് സര്ക്കാരിന് അനുകൂലമായി വോട്ട് ചെയ്തത്. ബിജെപിയുടെ ഭീഷണിക്ക് മുഖ്യമന്ത്രി കമല്നാഥ് സഭയില് തക്ക മറുപടിയും നല്കിയിരുന്നു. വെറുതെ നിന്ന് പ്രസംഗിക്കാതെ ധൈര്യമുണ്ടെങ്കില് അവിശ്വാസ പ്രമേയം കൊണ്ടുവരാന് അദ്ദേഹം ബിജെപിയെ വെല്ലുവിളിച്ചിരുന്നു.
Madhya Pradesh CM Kamal Nath: Everyday BJP says we are a minority govt and one which could fall any day. Today in voting in assembly(on criminal law amendment), two BJP MLAs voted in favour of our Govt pic.twitter.com/4rN6pFzCbB
— ANI (@ANI) 24 July 2019
Discussion about this post