മുംബൈ: ജനവിധി അറിയാന് മണിക്കൂറുകള് മാത്രം ശേഷിക്കെ സംഘപരിവാര് അനുകൂല ഓണ്ലൈന് പോര്ട്ടലിലെ വാര്ത്ത പങ്കുവെച്ച് തെരഞ്ഞെടുപ്പ് കമ്മീഷന്.ഓപ്ഇന്ത്യ ഡോട്ട് കോം എന്ന പോര്ട്ടലില് ഇവിഎം ഹാക്ക് ചെയ്യാനാകില്ലെന്ന ലേഖനമാണ് ട്വിറ്റര് പേജില് തെരഞ്ഞെടുപ്പ് കമ്മീഷന് പങ്കുവെച്ചിരിക്കുന്നത്.
ഐഐടി ബിരുദധാരിയും ഐഎഎസ് 2015 ബാച്ചിലെ ഉദ്യോഗസ്ഥനുമായ ഭാവേഷ് മിശ്ര ഓപ്ഇന്ത്യയില് എഴുതിയ ലേഖനമാണ് തെരഞ്ഞെടുപ്പ് കമ്മീഷന് ട്വിറ്ററില് ഷെയര് ചെയ്തത്. അതേസമയം, പ്രതിഷേധം ശക്തമായതോടെ വിവാദ ട്വീറ്റ് മുക്കിയിരിക്കുകയാണ് തെരഞ്ഞെടുപ്പ് കമ്മീഷന്.
തെരഞ്ഞെടുപ്പ് കമ്മീഷന് കേന്ദ്രസര്ക്കാരിന്റേയും ബിജെപി നേതൃത്വത്തിന്റേയും കളിപ്പാവയാകുന്നെന്ന പ്രതിപക്ഷ വിമര്ശനത്തിടെയാണ് പുതിയ സംഭവം.
ഇതിന് പിന്നാലെ സോഷ്യല് മീഡിയയില് വ്യാപക പ്രതിഷേധം ശക്തമായിരുന്നു. ഓപ് ഇന്ത്യയുടെ ലേഖനം ഷെയര് ചെയ്ത ട്വീറ്റിന് താഴെ തന്നെ കമ്മീഷനെതിരെ കമന്റുകളിലൂടെ പ്രതിഷേധം രേഖപ്പെടുത്തിയുരുന്നു.
നേരത്തെ വോട്ടിങ് യന്ത്രങ്ങള് എണ്ണുന്നതിനു മുമ്പ് വിവിപാറ്റുകള് എണ്ണണമെന്ന പ്രതിപക്ഷത്തിന്റെ ആവശ്യം തെരഞ്ഞെടുപ്പു കമ്മീഷന് തള്ളിയിരുന്നു. വിവിപാറ്റുകള് ആദ്യം എണ്ണുന്നത് അന്തിമ ഫലം അറിയുന്നത് ദിവസങ്ങളോളം വൈകാനിടയാക്കുമെന്നു പറഞ്ഞാണ് തെരഞ്ഞെടുപ്പു കമ്മീഷന് പ്രതിപക്ഷത്തിന്റെ ആവശ്യം തള്ളിയത്.
Discussion about this post