അഹമ്മദാബാദ്: റോഡിലേക്ക് ഓടിക്കയറിയ പശുക്കളുടെ ദേഹത്ത് ഇടിച്ച് ബൈക്ക് യാത്രികന് ദാരുണാന്ത്യം. എന്നാല് വിചിത്രമായ സംഭവമാണ് പിന്നീട് നടന്നത്. അലക്ഷ്യമായി ബൈക്ക് ഓടിച്ചെന്നാരോപിച്ച് ഐപിസി 279 പ്രകാരം മരിച്ചയാളുടെ പേരില് അഹമ്മദാബാദ് പോലീസ് കേസെടുത്തു. എന്നാല് ഇതുവരെ അഹമ്മദാബാദ് നഗരത്തിനു കീഴിലെ 14 ട്രാഫിക് പോലീസ് സ്റ്റേഷന്റെ കീഴിലും ഇതുവരെ ഒരൊറ്റ വാഹനാപകട കേസും രജിസ്റ്റര് ചെയ്തിട്ടില്ലെന്നും എന്നാല്, വാഹനാപകടവുമായി ബന്ധപ്പെട്ട മറ്റുകേസുകള് നിലവിലുണ്ടെന്നും സിറ്റി പോലീസ് മേധാവി അറിയിച്ചു
വീഴ്ചയുടെ ആഘാതത്തില് സഞ്ജയ് പട്ടേലിന്റെ തലച്ചോര് തകര്ന്നിരുന്നു. അഹമ്മദാബാദ് ദേശീയപാതയിലൂടെ സഞ്ചരിക്കവെയാണ് മോട്ടോര് ബൈക്ക് അപകടത്തില്പ്പെട്ടത്.
കേസുമായി ബന്ധപ്പെട്ട് നേരത്തെ സഞ്ജയിന്റെ അച്ഛന് മഹേഷ് പട്ടേലിനെ പോലീസ് വിളിപ്പിച്ചിരുന്നു. മകന് വാഹനമോടിക്കുന്നതിനിടെ രണ്ടു തെരുവുപശുക്കള് പെട്ടെന്നു മുമ്പില് എത്തിപ്പെടുകയായിരുന്നുവെന്നും ഈ ഘട്ടത്തില് എന്തെങ്കിലും ചെയ്യാന് കഴിയും മുമ്പേ അപകടം സംഭവിച്ചതായും മഹേഷ് പട്ടേല് പറഞ്ഞു.
Discussion about this post