അഹമ്മദാബാദ്: അഹമ്മദാബാദിൽ വിമാനം തകര്ന്ന സ്ഥലത്ത് നിന്നും വിമാനത്തിന്റെ ബ്ലാക്ക് ബോക്സും ഡിജിറ്റല് വിഡിയോ റെക്കോര്ഡറും കണ്ടെത്തിയെന്ന് വ്യോമയാന മന്ത്രാലയം സ്ഥിരീകരിച്ചു.
രണ്ടില് ഒരു ബ്ലാക്ക് ബോക്സ് വിമാനം ഇടിച്ചിറങ്ങിയ കെട്ടിടത്തിന്റെ മുകളില് നിന്ന് കണ്ടെത്തിയെന്ന് വ്യോമയാനമന്ത്രാലയം സ്ഥിരീകരിച്ചു. ഫ്ലെറ്റ് ഡേറ്റ റെക്കോര്ഡറിലെ വിവരങ്ങള് എയര്ക്രാഫ്റ്റ് ആക്സിഡന്റ്സ് ഇന്വെസ്റ്റിഗേഷന് ബ്യൂറോ ശേഖരിക്കുകയാണ്.
അപകടത്തിന്റെ കാരണം കണ്ടെത്തെത്താന് സാധ്യമായതെല്ലാം ചെയ്യുമെന്നും അട്ടിമറി തല്ക്കാലം സംശയിക്കുന്നില്ലെങ്കിലും എന്ഐഎയും അന്വേഷണത്തില് പിന്തുണക്കുമെന്നും വ്യോമയാന മന്ത്രി റാംമോഹന് നായിഡു വ്യക്തമാക്കി.
അവസാന നിമിഷം വിമാനത്തിനുള്ളില് എന്താണ് സംഭവിച്ചതെന്ന് ഡിവിആറിലൂടെ വ്യക്തമാകും. പൈലറ്റുമാരുടെ സംഭാഷണം അടങ്ങുന്ന കോക്പിറ്റ് വോയിസ് റെക്കോര്ഡറിനായുള്ള തെരച്ചില് തുടരുകയാണ്.
Discussion about this post