ന്യൂഡല്ഹി: ഓപറേഷന് സിന്ദൂര് പഹല്ഗാം ആക്രമണത്തിനുള്ള മറുപടിയെന്ന് കേന്ദ്ര സര്ക്കാര്. വിദേശകാര്യ സെക്രട്ടറി വിളിച്ച വാര്ത്താ സമ്മേളനത്തിലാണ് ഇക്കാര്യം വ്യക്തമാക്കിയത്. പാകിസ്ഥാന് തിരിച്ചടി നല്കിയത് കൃത്യമായ വിവരശേഖരണത്തിനു ശേഷമാണെന്ന് വാര്ത്താ സമ്മേളനത്തില് കേണല് സോഫിയ ഖുറേഷി വിശദീകരിച്ചു.
പാകിസ്ഥാനിലെ 9 ഭീകര ക്യാമ്പുകള് ആണ് തകര്ത്തതെന്നും സാധാരണക്കാര് ആക്രമണത്തിന് ഇരയായിട്ടില്ലെന്നും അവര് പറഞ്ഞു. പഹല്ഗാമിലെ ഭീകരാക്രമണത്തില് കൊല്ലപ്പെട്ടവര്ക്ക് നീതി ഉറപ്പാക്കിയെന്ന് വ്യോമസേന വിങ് കമാന്ഡര് വ്യോമിക സിംഗ് പ്രതികരിച്ചു.
പഹല്ഗാമിലെ ബൈസരന് വാലിയില് നടന്ന ആക്രമണത്തെ കുറിച്ച് വിശദീകരിച്ചുകൊണ്ടാണ് വിദേശകാര്യ സെക്രട്ടറി സംസാരിച്ച് തുടങ്ങിയത്. പഹല്ഗാമില് പാകിസ്ഥാനില് നിന്നും ലഷ്കര്-ഇ-തൊയ്ബയാണ് ആക്രമണം നടത്തിയതെന്നും കശ്മീരിലെ സമാധാനവും ടൂറിസവും സാമ്പത്തിക വളര്ച്ചയും ഇല്ലാതാക്കാനുള്ള ശ്രമമാണ് നടത്തിയതെന്നും അദ്ദേഹം പറഞ്ഞു. തുടക്കത്തിലേ തന്നെ ഉദ്യോഗസ്ഥര് മാധ്യമപ്രവര്ത്തകര്ക്ക് ചോദ്യം ചോദിക്കാന് അനുവാദമില്ലെന്ന് പറഞ്ഞിരുന്നു. സംഘര്ഷം ശക്തമാകാന് സാധ്യതയുണ്ടെന്ന് വ്യക്തമാക്കിയാണ് വാര്ത്താ സമ്മേളനം അവസാനിപ്പിച്ചത്.
Discussion about this post